Almaty qalasy ákimi apparaty tilderdi damytý jáne onomastıka bólimi 2023 jylǵy 23 qarashadaǵy № 4/617 «Almaty qalasynyń Qazaqstan Respýblıkasynda til saıasatyn damytýdyń 2023-2029 jyldarǵa arnalǵan tujyrymdamasyn iske asyrý jónindegi is-qımyl josparyn bekitý týraly» qaýlysyna sáıkes «Qazaq tiliniń úzdik oqytýshysy» baıqaýyn jarıalaıdy.
Maqsaty: qazaq tili oqytýshylarynyń (muǵalimderiniń) kásibı biliktilikterin arttyrý jáne ádistemelik sheberlikterin shyńdaý; shyǵarmashylyq jumystaryn baǵalaý, nasıhattaý.
Mindeti: qazaq tili oqytýshylaryn (muǵalimderin) yntalandyrý, shyǵarmashylyqpen aınalysýyna jaǵdaı jasaý, oqytýshylardyń avtorlyq baǵdarlamalaryn, oqý quraldary men ádistemelik keshenderin t.b. usynýǵa, taratýǵa múmkindik berý, úzdik jumystardy nasıhattap, baspa betinde jarıalaýǵa múmkindik týdyrý.
Qatysýshylar: barlyq deńgeı boıynsha (eresekter, JOO, arnaıy orta bilim berý uıymdary, orta mektep, bastaýysh mektep, balabaqsha) qazaq tiliniń oqytýshylary men muǵalimderi.
Talaptary men sharttary: Baıqaýǵa qatysýshylar
👉 https://forms.gle/ZZS5t3CrirEHCsHC7 silteme arqyly Google formany toltyryp, ótinim qaldyrýy tıis.
Baıqaý úsh bólimnen turady.
Birinshi bólimde Oqytýshy qazaq tili páninen bir taqyrypty óz qalaýynsha tańdap, ony qyzyqty, kreatıvti formatta (mysaly: qysqasha vıdeo, reels, ınfografıka, anımasıa, storıtellıng, lifehack, mini-sketch t.b.) qysqa ári naqty túrde túsindirýi tıis. Daıyndalǵan materıal TikTok, Instagram jelisinde #QTÚOAlmaty2025 heshtegimen jarıalanýy kerek.
Ekinshi bólimde oqytýshy ózi qurastyrǵan
- oqý quraly;
- oqý-ádistemelik qural;
- oqý-ádistemelik keshen;
- oqý-ádistemelik nusqaýlyq;
- ozyq ádistemeler jınaǵy;
- jattyǵýlar jınaǵy;
- deńgeılik mátinder jınaǵy;
- jumys dápteri;
- tilasharlar;
- til úırenýge arnalǵan dıdaktıkalyq materıaldar;
- oqý sózdigi nemese t.b. usynady. Ár oqytýshy bir ónim ázirlep usynady.
Úshinshi bólimde oqytýshyǵa pedagogıkalyq sıtýasıalar, keıs-suraqtar beriledi. Oqytýshynyń máseleni sheshe alý qabileti, kásibı quzyrettiligi baǵalanady. Úshinshi bólim sheshýshi kezeń qazan aıynda (keıin naqtylanady) onlaın ZOOM platformasynda ótedi.
Qorytyndy. Baıqaýdyń qazylar alqasyna joǵary kásibı bilikti pedagog, ádisker ǵalymdar, tájirıbeli qazaq tilin oqytýshy mamandar jáne t.b. enedi. Qazylar alqasy ótkizilgen materıaldardy zerdeleý jáne saraptaý arqyly baıqaýdyń qorytyndysyn shyǵarady. Qazylar alqasynyń sheshimi hattamamen resimdeledi.
Marapattaý. Birinshi, ekinshi, úshinshi júldeli oryn alǵandarǵa tıisti dárejedegi dıplomdar men baǵaly syılyqtar, qatysýshylarǵa alǵys hattar men estelik syılyqtar tapsyrylady. Marapattaý rásimi uıymdastyrýshylar tarapynan beınetaspaǵa jáne fotosýretke túsiriledi. Jeńimpazdar «Memlekettik til máseleleri» konferensıasynda marapattalady.
Baılanys telefondary: +7 7760300270, +7 7754651834