Qazaqstandyq jas tenısshiler chempıon atandy.
Almatydaǵy SSKA tenıs ortalyǵynda 18 jasqa deıingiler arasynda úshinshi sanattaǵy ITF týrnıri márege jetti, dep habarlaıdy Almaty-akshamy.kz QTF baspasóz qyzmetine silteme jasap.
Qazaqstan tenıs federasıasynan málim etkenindeı, kún jańbyrly bolǵandyqtan, qazaqstandyq tenısshiler arasynda ótken juptyq syndaǵy fınal hard tóselgen jabyq zalǵa aýystyryldy.
Onda Asyljan Arystanbekova men Aııa Nupbaı otandastary Erkejan Arystanbekova - Dana Baıdáýletti 6:3, 6:2 esebimen utty.
Osylaısha, A.Arystanbekova A.Nupbaımen birge ITF Juniors jarystaryndaǵy besinshi tıtýlyna qol jetkizdi.
Jekeleı synda Dana Baıdáýlet sońǵy básekede reseılik Valerıa Gynınaǵa ese jiberdi - 4:6, 1:6.
Bozbalalar arasynda aýstrıalyq Pol Ýorren tartysty fınalda reseılik Grıgorıı Shebekındi tize búktirdi - 7:6 (7:2), 3:6, 6:3.
Eske sala keteıik, budan buryn qazaqstandyq tenısshiniń Serbıadaǵy jarystyń jeńimpazy atanǵanyn jazǵan bolatynbyz.
Sondaı-aq qazaqstandyq tenısshilerdiń Ýımbldon týrnırindegi qarsylastary belgili boldy.