Jalpy aýmaǵy 14 myń sharshy metrdi quraıdy.
Almatyda jańa balet teatrynyń qurylysy aıaqtalyp, paıdalanýǵa berildi, dep habarlady Almaty-akshamy.kz Almaty.tv silteme jasap.
Mádenı ǵımarattyń jalpy aýdany 14 myń sharshy metrdi qurasa, kórermen zaly 700 adamǵa eseptelgen. «Almaty teatry» klasıkalyq balet qoıylymdarynan bólek, basqa da is-sharalar ótkizýge qaýqarly. «Almaty teatry» álemde úzdik sanalatyn balet sahnalarynan kem túspeıdi.
Munda túrli formattaǵy prezentasıalar men aýqymdy qoıylymdardan bastap, tańǵajaıyp shoýlarǵa deıin uıymdastyrýǵa bolady. Belgili sarapshylar mádenı ǵımarattyń óte sapaly salynǵanyn ári zamanaýı talaptarǵa saı ekenin aıtady.
«Munda eden arlekınnen jasalǵan, óte sapaly. Ony tek balette qoldanady. Sahnadaǵy ártisterdiń keremet sezimdi bastan kesheri sózsiz. Mundaǵy jaryq ta barlyq tehnıkalyq talapqa saı»,– dedi Qazaqstan Horeograftar odaǵy tóraǵasynyń birinsh orynbasary Nurlan Qonaqbaev.
Ǵımarat aldaǵy ýaqytta qaladaǵy iri ortalyqtardyń birine aınalary sózsiz. «Almaty teatrynyń» jalpy aýmaǵy 14 myń sharshy metrdi quraıdy, 4 qabattan turady. Zalǵa 700 adam erkin syıyp ketedi. Odan bólek, ishinde meıramhanalar men arnaıy tamaqtanatyn oryndarǵa deıin bar. Al mádenı ortalyqtyń qasbeti tabıǵı tastarmen qaptalyp, sándik órnektermen bezendirilgen.