Polısıa qyzmetkerleri quqyq buzýshyny “Qorǵaý – Qaýipti júrgizýshi” avtomattandyrylǵan júıesi arqyly anyqtady.
Almatyda qaýipti júrgizýshilerdi anyqtaý jalǵasýda, dep habarlaıdy Almaty-akshamy.kz.
Polisia.kz málimeti boıynsha, patrúldik qyzmetkerler jol qozǵalysy erejesin buzǵany úshin 340 myń teńge kóleminde aıyppul tóleýden jaltarǵan Hyundai kóliktiń ıesin anyqtady. Kóp jaǵdaıda júrgizýshi jyldamdyqty buzǵan. Quqyq buzýshynyń kóligi mamandandyrylǵan aıyppul turaǵyna qoıyldy.
«Buǵan deıin habarlaǵanymyzdaı, Almaty polısıasy memlekettik jalǵan nómirlerdi paıdalanatyn, kólikterge arnaıy belgi berý qurylǵylaryn ornatqan, kólikti mas kúıinde basqarǵan jáne tólenbegen aıyppuldary bar kólik júrgizýshilerin anyqtaý jáne jaýapkershilikke tartý boıynsha maqsatty jumystar júrgizip jatyr. Jyl basynan beri “Qorǵaý – Qaýipti júrgizýshi” kesheni qala joldarynda 4123 quqyq buzýshylyqty anyqtady», – dedi Almaty qalasy PD JPQB bastyǵy Erjan Uzabaev.
Tártip saqshylary azamattarǵa ákimshilik aıyppuldardy ýaqytyly tóleýge jáne jol qaýipsizdigi erejesin qatań saqtaýǵa shaqyrady.