Almaty ákimi Erbolat Dosaevtyń qala turǵyndarymen kezekti kezdesýi Áýezov aýdanynda ótti. Qala basshysy aýdannyń damýy jáne turǵyndardan túsken usynystar boıynsha atqarylǵan jumystar týraly aıtyp berdi. Kezdesýge 150-den astam adam keldi, dep habarlaıdy almaty-akshamy.kz
Erbolat Dosaev aǵymdaǵy jyldyń sáýir aıynan bastap ortalyqsyzdandyrýdyń arqasynda Áýezov aýdanynyń búdjeti eki eseden astam ósip, 23,4 mlrd teńgege jetkenin eske saldy. Berilgen 15 fýnksıanyń biri – joldardy aǵymdaǵy jóndeý. Bıyl aýdanda jalpy aýdany 23 myń m² 250 mln teńge bolatyn jumystar josparlanǵan.
Ortasha jóndeý jalpy uzyndyǵy 12,8 km bolatyn 14 kóshede júrgiziledi. Jumys mamyr aıynda bastalyp, qarasha aıynda aıaqtalady.
Aýdandaǵy jol ınfraqurylymy máseleleri ózekti bolyp qala beredi. Kólik júktemesin azaıtýǵa Jubanov kóshesin - Momyshuly kóshesinen qala shekarasyna deıin uzartý yqpal etedi. Uzartýǵa arnalǵan memlekettik saraptamanyń oń qorytyndysy alyndy.
Injenerlik komýnıkasıalarmen baılanysty problemalar aýdan turǵyndaryn da alańdatady. Sońǵy satyda turǵan jobalaý kezeńi jáne konkýrstyq rásimder aıaqtalǵannan keıin aýdannyń eń problemaly 4 ýchaskesinde sýmen jabdyqtaý jáne káriz jelilerin salý jáne jańǵyrtý bastalady. Bul - Dostyq, Mamyr-4 shaǵyn aýdandary, Saın – Shalápın – Jandosov kósheleri, Qarǵaly ózeniniń jaǵalaýy, sondaı-aq Arychnaıa, Ykylas, Zapadnaıa kósheleriniń ýchaskesi. Osy jobalardy iske asyrý 11 myńnan astam abonentti sapaly sýmen jáne kárizben qamtamasyz etýge múmkindik beredi.
Almaty ákiminiń tapsyrmasy boıynsha ótken jyly aýla aýmaqtaryn jóndeý jáne abattandyrý jumystary bastaldy (aýdanda barlyǵy 966 aýla bar). Aǵymdaǵy jyly 161 aýlany jańǵyrtý josparlanǵan, jumystar qarasha aıynda aıaqtalady.
Naýryz aıynda Áýezov aýdanynyń magıstraldyq kóshelerindegi (Abaı dańǵyly men Momyshuly kóshesi boıyndaǵy) únemi sý basyp qalatyn 7 problemalyq ýchaskesiniń sońǵy 2-i joıyldy.
Damyǵan áleýmettik ınfraqurylym máseleleri qalanyń turaqty nazarynda. Oqýshy oryndarynyń tapshylyǵyn azaıtý úshin burynǵy «Belkamıt» zaýytynyń aýmaǵynda 900 oryndyq mektep salý josparlanǵan. 2 mektepte seısmıkalyq kúsheıtýmen kúrdeli jóndeý aıaqtaldy. Jańa oqý jyly bastalǵanǵa deıin taǵy 2 mektepte osyndaı jumystar aıaqtalatyn bolady.
Medısınalyq qyzmet kórsetýdiń qadamdyq qoljetimdiligin qamtamasyz etý úshin «Mamyr-1» shaǵynaýdanynda bir aýysymda 200 adam qabyldaıtyn otbasylyq-dárigerlik ambýlatorıanyń qurylysy aıaqtalýda. «Qýanysh» shaǵynaýdanynda bir aýysymda 300 adam qabyldaıtyn emhananyń jańa negizgi ǵımaratyn salý úshin jer ýchaskesin satyp alý boıynsha jumys jalǵasýda.
Aýdanda qoǵamdyq qaýipsizdik máseleleri belsendi túrde sheshilýde. Kóshelerdegi «Sergek» keshenderimen jalpy qamtý 149 birlikke deıin jetkiziledi. Sonymen qatar, aýdanda adamdar kóp jınalatyn oryndarda qosymsha 700-ge jýyq kamera ornatý josparlanýda.
Ákimmen ótken turaqty kezdesýler barysynda turǵyndar jaıly qalalyq ortany damytý jóninde tilekterin bildirdi. Aqsaı-2 shaǵynaýdanyndaǵy abattandyrylǵan saıabaq sıaqty Aqsaı-4 shaǵynaýdanyndaǵy skverdi modernızasıalaý josparlanýda. Shalov býlvarynda uzyndyǵy 660 metr, aýdany – 3,7 ga zamanaýı jaıaý júrginshiler aımaǵyn qurýdyń JSQ ázirlendi. Jumys shilde aıynda bastalyp, jyl sońyna deıin aıaqtalady.
Qala ákiminiń tapsyrmasy boıynsha aqpan aıynan bastap «Saıran» kóliniń túbin shógindilerden mehanıkalyq tazartý jumystary júrgizilýde. Jumys mamyr aıynyń sońyna deıin aıaqtalady. Kóldiń túbin tazalaǵannan keıin onyń jaǵalaýyn rekonstrýksıalaý abattandyrý josparlanýda. Tıisti qujattama boıynsha memlekettik saraptamanyń qorytyndysy sáýir aıynda qolǵa tıedi dep kútilýde.
«Halyq qatysatyn búdjet» baǵdarlamasy aıasynda 2023 jyly aýdan turǵyndarynyń ótinimderi boıynsha 875 mln teńgege 16 jobany iske asyrý josparlanýda.