Elimizde Energetıka mınıstrliginiń benzın men dızel otynynyń shektik baǵasy týraly buıryǵy kúshine endi, dep habarlady Almaty-akshamy.kz BAQ.KZ-ke silteme jasap.
– AI-92 jáne AI-93 benzınderi úshin lıtrine 205 teńgege deıin;
– dızeldik otynǵa lıtrine 295 teńgege deıin.
Janarmaıdyń keıbir túrlerine jańa bólshek saýda baǵasyn belgileý májbúrli shara bolyp tabylady. Bul elden munaı ónimderiniń ketýin azaıtyp, ishki naryqtyń ósip kele jatqan qajettiligin qamtamasyz etedi.
Energetıka mınıstrligi Qazaqstanda janar-jaǵarmaı baǵasy 2021 jyldyń kúzinen beri ózgermegenin atap ótti.
Kóktemgi egis jumystary aıaqtalǵansha dızel otynynyń quny ózgermeıdi. Operatorlardyń shyǵyndaryn esepke alǵanda, respýblıkadaǵy sharýalar úshin ortasha baǵa lıtrine 204 teńgeni quraıdy, bul naryqtaǵy baǵadan 31 paıyzǵa tómen. Kóktemgi dala jumystaryna óńirlerge 419 myń tonna arzandatylǵan dızel otyny bólindi, bul bir jyl burynǵydan 19 myń tonnaǵa artyq, – dedi mınıstrlik.
Bul rette, dızel otynynyń buryn belgilengen baǵasy ózgerissiz qalǵany atap ótildi. Atap aıtqanda, Qazaqstan azamattary júrgizýshi kýáligin kórsetken kezde lıtri 295 teńgeden táýligine 100 lıtr satyp ala alady. Júk kólikteri, arnaıy, mamandandyrylǵan kólikter men avtobýstar úshin, sondaı-aq Qazaqstan Respýblıkasynda kólik quralyn tirkeý týraly kýálikti kórsetken kezde osyǵan uqsas baǵa boıynsha táýligine bekitilgen lımıt 300 lıtrdi quraıdy. Qalǵan sanattaǵy tulǵalar úshin, sondaı-aq dızel otynyn belgilengen lımıtten joǵary satyp alatyndar úshin baǵa lıtrine 450 teńgeni quraıdy.