27 qazannan bastap Almatyda "Halyqqa qatysatyn búdjet" (HQB) jobasy aıasynda qala turǵyndarynyń usynysyna daýys berý kezeńi bastalady.
Bıyl almatylyqtar 4 632 bastama usyndy. Ótinim 1-30 qyrkúıek aralyǵynda qabyldandy. Endi jobanyń mańyzdy kezeńi bastalady. Kelesi jyly qandaı bastamalardyń júzege asyrylatyny turǵyndardyń daýys berýlerine baılanysty bolady.
Daýys berý bıyl 27 qazan men 9 qarasha aralyǵynda ótedi. Oǵan qalanyń árbir turǵyny budget.open-almaty.kz platformasy arqyly qatysa alady.
"Halyq qatysatyn búdjet-2025" jobasynyń negizgi kezeńderi:
1-12 qazan - aýdan ákimdikteri janyndaǵy bastamalardy saraptamalyq tekserý;
19 qazanǵa deıin - avtorlardyń jobalaryn pysyqtaýy;
20-26 qazan - jańarǵan ótinimderdi qaraý;
27 qazan - 9 qarasha - turǵyndardyń daýys berýi;
10-16 qarasha - qorytyndylaý;
17-18 qarasha - búdjettik ótinimderdi qalyptastyrý;
2026 jyl - jeńimpaz jobalardy júzege asyrý.
"Halyq qatysatyn búdjet" jobasy turǵyndardy qalanyń damý úderisine tartýǵa baǵyttalǵan. Árbir almatylyq bastamasyn usynyp, ózine unaıtyn jobany tańdap, oryndalýyn qadaǵalaı alady.
Kelesi ótinim 2026 jyly qabyldanady. Tolyq aqparat budget.open-almaty.kz. saıtynda ornalastyrylǵan.