Medeý aýdany ákimdiginiń uıymdastyrýymen ótken is-sharaǵa aýdan turǵyndary, qoǵam belsendileri, mádenıet, ǵylym, bilim, densaýlyq saqtaý jáne ózge de salalardyń ókilderi qatysty. Maqsat – ulttyq merekeniń mánin ulyqtaý, azamattardyń patrıottyq sezimin arttyrý jáne el ıgiligi úshin eleýli eńbek etip júrgen tulǵalardy qurmetteý.
Saltanatty kesh respýblıkalyq jáne halyqaralyq baıqaýlardyń laýreaty «Ál-qıssa» dombyra stýdıasy shákirtteriniń halyq kúılerin oryndaýymen ashyldy. Odan keıin Qazaqstan Respýblıkasynyń Memlekettik Týy men Ánuranynyń oryndaldy.
Kórermender aldynda sóz sóılegen Medeý aýdany ákiminiń orynbasary Aıdos Nurlybaev jınalǵan jurtshylyqty merekemen quttyqtap, bul kún árbir qazaqstandyq úshin mańyzdy ári tarıhı data ekenin atap ótti.
Kesh barysynda QR Prezıdentiniń 2025 jylǵy 25 qyrkúıektegi №1005 Jarlyǵyna sáıkes kópbalaly analarǵa memlekettik nagradalar tabystaldy. Úsh ana «Altyn alqa» ıegeri atansa, segiz jas anaǵa «Kúmis alqa» tósbelgisi berildi. Mereke aıasynda sondaı-aq Almaty qalasynyń jáne Medeý aýdanynyń damýyna aıryqsha úles qosqan azamattarǵa qala ákimi Darhan Satybaldynyń jáne aýdan ákiminiń atynan Qurmet gramotalary men Alǵys hattary tabystaldy.
Odan keıin merekelik kesh «Arǵymaq» toby, «ASU» halyqaralyq bı ansambli, Jiger & Janat dýeti, Parvız Nazarov, «Altynaı» kásibı bı ujymy, Janar Aıjanova jáne aty ańyzǵa aınalǵan «Dos-Muqasan» ansambli ónerlerin tamashalaýmen jalǵasty. Kesh sońynda barsha ártister el júreginen oryn alǵan «Atameken» ánin birge oryndap, kórermenderge erekshe rýh pen kóterińki kóńil-kúı syılady.
Aıdos NURLYBAEV, Medeý aýdany ákiminiń orynbasary:
Respýblıka kúnine arnalǵan merekelik is-sharany aýdan turǵyndary men qala qonaqtaryna arnap uıymdastyryp otyrmyz. Memleket basshysynyń tapsyrmasyna sáıkes, elimizdiń demografıasyna úles qosyp júrgen altyn jáne kúmis alqa ıegerlerin arnaıy quttyqtadyq. Bizdiń aýdanda 3000-ǵa jýyq kóp balaly otbasy bar. Olardyń qatary jyl saıyn artyp keledi. Bul – qýanyshty jaǵdaı. Sondaı-aq, áleýmettik jáne ózge de salalarda eńbegi sińgen turǵyndarǵa qala jáne aýdan ákiminiń atynan alǵys hattar tabystaldy. Budan ári merekelik konserttik baǵdarlama jalǵasyp, turǵyndarǵa tamasha kóńil-kúı syılaımyn. Barshańyzǵa mereke qutty bolsyn!
«Altyn alqa» ıegeri Irına Pavlova segizinshi sábıin kútip júrgenin aıta kelip, memleket tarapynan kórsetilip jatqan barlyq jaqsylyqtarǵa rızamyz deıdi.
Meniń jeti balam bar. 8-shi sábıimizdi kútip júrmiz. Úlken qyzym 12 jasta, kenjem tórtte. Tórt qyzym jáne úsh ulym bar. Buryn meıirbıke mamandyǵyn meńgergenmin, qazir balalardy tárbıeleýmen aınalysamyn. Osyndaı marapat alý – men úshin úlken baqyt. Memleket tarapynan kórsetilgen qurmetke shyn júrekten alǵys aıtamyn.
«Kúmis alqa» ıegeri atanǵan alty uldyń anasy Nazıra Darkenbaeva da óz qýanyshyn bildirip bylaı dedi:
Búgingi merekelik sharaǵa jubaıym men kenje balammen birge keldik. Barsha qazaqstandyqtardy Respýblıka kúnimen shyn júrekten quttyqtaımyz! Otbasymyzda alty ul ósip keledi. Úlkenimiz 15 jasta, kenjemizge bir jyldan sál asty. Endi bir qyzymyz bolsa degen armanymyz bar, – deıdi Nazıra men onyń jubaıy Dastan Hanjazov.
«Kúmis alqany» moınyna taqqan Quralaı Shamahsýtova sahna tórine shyǵyp, erekshe qurmetke bólengenin aıtyp, alǵys aıtty:
Alty balanyń anasymyn. Búgin osyndaı erekshe qurmetke ıe bolǵanyma óte qýanyshtymyn. Bes qyzym jáne bir ulym bar. Joldasym avtobýs parkinde jumys isteıdi. Mamandyǵym – býhgalter-aýdıtor. Balalarymnyń úlkeni 12 jasta, kishisi – bir jarymda. Osyndaı marapat biz úshin úlken jiger beredi. Elimizdiń merekesi qutty bolsyn! – dedi jas ana.