Almatynyń óńirlik komýnıkasıalar qyzmetiniń alańynda nashaqorlyqqa qarsy kúres aılyǵynyń qorytyndysy týraly brıfıń ótti.
Almaty qalasy polısıa departamenti esirtki qylmysyna qarsy is-qımyl basqarmasynyń asa mańyzdy ister jónindegi aǵa jedel ýákili polısıa podpolkovnıgi Dáýren Kóbeev 2024 jylǵy qańtar-maýsymdaǵy qala aýmaǵynda esirtki quraldarynyń zańsyz aınalymyna qarsy is-qımyl sharalary týraly aıtty, dep habarlaıdy almaty-akshamy.kz.
Aǵymdaǵy jyldyń 6 aıynda qala aýmaǵynda esirtkiniń zańsyz aınalymyna baılanysty 319 quqyq buzýshylyq anyqtaldy. Olardyń ishinde:
- QR QK 297-baby 1-4-bóligi boıynsha (esirtki zattaryn zańsyz ótkizý) - 131 fakt;
- QR QK 296-baby 4-bóligi boıynsha (esirtki quraldaryn asa iri mólsherde zańsyz saqtaý) - 27;
- QR QK 286-baby boıynsha (kontrabanda) - 1;
- QR QK 296-baby 1-3-bóligi boıynsha (teris qylyq) - 147;
- QR QK 299-1-baby 1-bóligi boıynsha (zańsyz jarnama) - 5;
- QR QK 300-baby boıynsha (ósirý) - 3;
- QR QK 302-baby boıynsha (prıton) - 2;
- QR QK 303-baby boıynsha-1.
Aǵymdaǵy jyldyń basynan bastap esirtki quraldarynyń zańsyz aınalymyna baılanysty 147 qylmystyq is júrgizilip, sotqa joldandy.
Esirtkiniń myna túrleri boıynsha:
- 26 gr - "geroın"
- 165 kg 412 gr - "marıhýana"
- 73 kg 018 gr - "gashısh"
- 27 kg 996 gr - "sıntetıka"
- 1 kg 673 gr - "basqa preparattar" jalpy 268 kg 127,63 gr esirtki tárkilendi jáne zańsyz aınalymǵa jiberilmedi.
KQ spıkeri profılaktıkalyq jumysty uıymdastyrý týraly da aıtty.
"Jalpy jedel-izdestirý is-sharalarymen qatar nashaqorlyqtyń aldyn alý jáne esirtkige qarsy qoǵamdyq ımýnıtetti qalyptastyrý boıynsha jumystar júrgizilýde. Atqarýshy bılik organdarymen, jergilikti polısıa qyzmetimen birlesip qalanyń oqý oryndarynda birqatar profılaktıkalyq is - sharalar ótkizildi: aksıalar, semınarlar, dóńgelek ústelder", - dedi Dáýren Kóbeev.
Máselen, aǵymdaǵy jyldyń esepti kezeńinde 455 esirtkige qarsy profılaktıkalyq is-sharalar júrgizildi.
"Aǵymdaǵy jyldyń 6 aıynda Polısıa departamenti esirtki qylmysyna qarsy is-qımyl basqarmasy qyzmetkerleri aýdandyq bólimshelerdiń qyzmetkerlerimen birlesip, qala aýmaǵynda esirtki quraldarynyń taralýy týraly aqparatty qamtıtyn 4185 graffıtı sýretteri tabyldy jáne boıaý arqyly joıyldy", - dep naqtylady ol.
QR QK 299-1 baby Nasıhat faktileri boıynsha 5 qylmystyq is tirkeldi. Esirtkini taratýmen jáne jarnamalaýmen aınalysatyn 337 ınternet-saıt anyqtaldy, olar buǵattaý úshin "Kıbernadzorǵa" jiberildi. Baǵdarlama quqyqqa qaıshy kontent belgileri bar Internet-resýrstarǵa siltemelerdi buǵattaý úshin Qazaqstan Respýblıkasy Aqparat jáne qoǵamdyq damý mınıstrligine avtomatty rejımde jiberýge múmkindik beredi.
Dáýren Kóbeev buqaralyq aqparat quraldary arqyly halyqtyń esirtkige qarsy ımýnıtetin qalyptastyrýǵa erekshe kóńil bólinetinin, BAQ-ta esirtkige qarsy taqyrypta barlyǵy 698 materıal jarıalanǵanyn atap ótti.
Qoǵamdyq oryndarda 8 metro stansıasynyń 42 monıtorynda áleýmettik beınerolıkter, ataqty sportshylarmen WhatsApp-tyń anonımdi senim telefony kórsetilgen aqparat taratylady: +7 -705-549-70-25, ol 72 EO-ekranda ornalastyrylǵan.
2023-2025 jyldarǵa arnalǵan keshendi jospar sheńberinde Almaty qalasy máslıhatynyń 09.08.2023 j. sheshimine sáıkes esirtkige qarsy profılaktıkalyq is-sharalardy júrgizý úshin:
- 2023 jylǵa - ıgerilgen 6 mln 698 teńge.
- 2024 jylǵa - 19 mln teńge bólingen.
Esirtki dıspanserinde esepte turǵan adamdar sanynyń tómendeý úrdisi baıqalady.
"Almaty q. psıhıkalyq densaýlyq ortalyǵynyń" derekterine sáıkes 2024 jylǵy 1 shildede "nashaqorlyq" dıagnozymen dıspanserlik esepte-1154 nashaqor adam turady, onyń ishinde:
- kámeletke tolmaǵandar - 7;
- áıelder - 180.
1154 esirtkige táýeldi adamnan:
- 240-y - opıoıdty topqa;
- 32 -i - kannabıoıdqa jatady.
Dáýren Kóbeev qalada osyndaı is-sharalardy ótkizý turaqty negizde jalǵasatynyn aıtty.