Oǵan jergilikti atqarýshy organdardyń, quqyq qorǵaý vedomstvosynyń ókilderi, qoǵamdyq belsendiler, eriktiler qatysty. Bul týraly Almatynyń óńirlik komýnıkasıalar qyzmetiniń brıfıńinde Jastar saıasaty basqarmasy basshysynyń mindetin ýaqytsha atqarýshy Azız Kajdenbek málim etti, dep habarlaıdy almaty-akshamy.kz.
Halyqaralyq nashaqorlyqqa jáne esirtkiniń zańsyz aınalymyna qarsy kúres kúnine oraılastyrylǵan aılyqtyń aıasynda Almaty qalasynyń jastar saıasaty basqarmasy 25 mamyrdan 26 maýsymǵa deıin 3 myń adamdy qamtıtyn 23 is-shara ótkizildi.
Halyqaralyq nashaqorlyqqa qarsy kúres kúni qarsańyndaǵy aılyq aıasynda kelesi jumystar júrgizildi:
"Alma CUP" jobasy aıasynda stýdentter arasynda shaǵyn fýtboldan týrnır ótkizildi. Fýtboldan týrnırdiń júlde qory 1 mln teńgeni qurady. Týrnırge 35 komanda qatysty (350-den astam adam). Bul týrnırge tájirıbeli stýdentter korpýsy men qala jastary qatysty.
"Týrnır stýdentter úshin komandalyq rýhty nyǵaıtýǵa, sporttyq daǵdylardy damytýǵa jáne salaýatty ómir saltyn nasıhattaýǵa yqpal etetin mańyzdy oqıǵa boldy. Qatysýshylar sheberlik pen sporttyq daıyndyqtyń joǵary deńgeıin kórsetti, al kórermender qyzyqty machtardan kóptegen jaǵymdy emosıalar aldy. Týrnır jeńimpazdary baǵaly syılyqtarmen jáne estelik kýboktarmen marapattaldy, bul odan ári sporttyq jetistikterge qosymsha túrtki boldy", - dedi Azız Kajdenbek.
27-28 mamyrda jasóspirimderdiń ata-analary men Túrksib aýdanynyń ıývenaldy polısıa ınspektorlary úshin "Kepilgerlermen kezdesken jaǵdaıda qaýipsizdik sharalary" taqyrybynda master-klass ótkizildi.
Medeý, Áýezov, Jetisý jáne Túrksib aýdandarynyń aýmaǵynda Almaty qalasy polısıa departamentiniń esirtki qylmysyna qarsy is-qımyl basqarmasymen birlesip esirtki quraldaryn taratýmen aınalysatyn saıttardyń syrtqy jarnamasynyń graffıtıin anyqtaýǵa baǵyttalǵan esirtkige qarsy aksıa ótkizildi. Ol jalpy 600 adamdy qamtydy.
Sondaı-aq, aılyq aıasynda Áýezov aýdanynyń komúnıtı ortalyǵynda jyl saıynǵy "Rýh marafon" HH jalpy qalalyq spartakıadasy ótkizildi.
İs-sharanyń maqsaty jastar arasynda nashaqorlyq problemasyna nazar aýdarý, salaýatty ómir saltyn nasıhattaý jáne nashaqorlyqtyń aldyn alýǵa járdemdesý boldy. Spartakıada jastardy biriktirip, olarǵa dene shynyqtyrýǵa jáne komandalyq rýhty nyǵaıtýǵa baǵyttalǵan túrli sporttyq jarystar men is-sharalarǵa qatysýǵa múmkindik berdi.
Spartakıada aıasynda úsh týrnır ótkizildi: júgirý, shaǵyn fýtbol jáne boýlıń. Týrnırlerge demalys ortalyqtarynyń stýdentteri, qoǵam belsendileri men jastary qatysty. Jalpy qamtý 1 myńǵa jýyq adamdy qurady.
Bostandyq aýdanynyń komúnıtı -ortalyǵy bazasynda " Nashaqorlyqqa-jol joq!» taqyrybynda semınar-trenıng ótti. Bul is-sharaǵa Bostandyq aýdanynyń turǵyndary men NEET sanatyndaǵy jastar qatysty.
8 maýsymda Jetisý aýdanynyń komúnıtı -ortalyǵynda "Nashaqorlyqqa jol joq!» sporttyq estafetasy ótti.
"Narhoz" ýnıversıtetiniń stadıonynda 11 maýsymda Jastar arasynda shaǵyn fýtboldan týrnır ótti. Týrnırge Almaty qalasynyń joǵary oqý oryndarynyń stýdentteri qatysty.
Almaty qalasy polısıa departamentiniń esirtki qylmysyna qarsy is-qımyl basqarmasymen birlesip 20 joǵary oqý ornynda "Nashaqorlyq – ǵasyr derti" taqyrybynda semınar-trenıngter ótkizildi. Ol jalpy 500 adamdy qamtydy.
"Jas live" jobasy aıasynda áleýmettik paraqshalar formatyn eskere otyryp, jastarǵa baǵyttalǵan esirtkige qarsy sıpattaǵy beınerolık ázirlendi.
Sondaı-aq, komúnıtı ortalyqtarynda nashaqorlyqqa qarsy aksıalar, ústel tenısinen týrnırler, boýlıńten jarystar ótkizildi.
Medeý komúnıtı ortalyǵynda Almaty qalasy polısıa departamentiniń esirtki qylmysyna qarsy is-qımyl basqarmasymen birlesip "Igla" kıno keshi ótkizildi, onyń maqsaty esirtkiniń zıany, olardyń áleýmettik saldary jáne aldyn alý jónindegi is-sharalar týraly habardarlyqty arttyrý boldy.
Sondaı-aq, 6 maýsymda Almaty qalasynyń jastar saıasaty basqarmasy Áýezov aýdanynyń demalys ortalyqtarymen úlgilik jospardan tys "Biz salaýatty ómir saltyn qoldaımyz"atty sporttyq is-sharalar ótkizdi. Sporttyq oıyndardy Saryarqa alańynda "Jas Óren", "Best KARU", "ARMBAR"demalys ortalyqtary ótkizdi.
"Best Karu" demalys ortalyǵy sadaq atý boıynsha master-klass uıymdastyrdy, "ARMBAR" bokstan master-klass ótkizdi, "Jas Óren" jasóspirimdermen jáne jastarmen ulttyq oıyndar ótkizdi.
2022 jyldan bastap jastar saıasaty basqarmasy memlekettik áleýmettik tapsyrys (MÁT) sheńberinde "NarkoStop" jobasyn iske asyrýda, onyń sheńberinde qalanyń ár aýdanynda 8 mamandandyrylǵan ortalyq iske qosyldy.
Olardyń basty mindeti-14 pen 35 jas aralyǵyndaǵy jastar arasynda nashaqorlyqtyń aldyn alý.
"27 mamyrda "Narkostop" jobasy aıasynda Naýryzbaı aýdanynda esirtki jarnamasy bar 50-ge jýyq graffıtı boıaldy. Bul jobaǵa aýdannyń 300-den astam belsendileri men turǵyndary qatysty", - dedi Azız Kajdenbek.
Joba aıasynda jyl basynda 60-tan astam is-shara ótkizildi, 4185 trafaret pen graffıtı boıaldy, 3 myńnan astam paraqshalar taratyldy, 20 beınerolık daıyndaldy. Qazirgi ýaqytta qoǵamdyq oryndarda beınerolıkterdi iske qosý jumystary júrgizilýde.
"Lýdomanıa", "Kıberqaýipsizdikke qarsy kúres", "Áleýmettik qosymshalardy basqarý", "Derbes derekterdi qorǵaý"taqyrybynda onlaın-kýrs ótkizildi. Qamtý 2 myń adamdy qurady.
"NarkoStop" jobasy óz qyzmetin 2023-2025 jyldarǵa arnalǵan Nashaqorlyqqa jáne esirtki bıznesine qarsy kúres jónindegi keshendi josparǵa sáıkes iske asyrady, oǵan 7 negizgi bólim men 76 is-shara kiredi.
Sondaı-aq, esirtkige qarsy mádenıetti qalyptastyrýda jáne esirtkiniń zańsyz aınalymyna qoǵamdyq tózimsizdikti arttyrýda mańyzdy ról atqaratyn qoǵamdyq pikir kóshbasshylary men stýdenttik ombýdsmender turaqty negizde túsindirý jumystaryn júrgizýde.
"Qala jastary arasynda habardarlyqty jáne belsendi azamattyq ustanymdy arttyrýǵa yqpal etý maqsatynda qoǵamdyq uıymdarmen kommúnıtı -ortalyqtarda nashaqorlyq jáne esirtkige qarsy baǵytty qalyptastyrý taqyrybynda zıatkerlik oıyndar, pikirtalastar, vıktorınalar men kvızdar ótkizdi", - dep tolyqtyrdy Azız Kajdenbek.
Almaty qalasynda memlekettik mekemelermen, joǵary oqý oryndarymen jáne úkimettik emes uıymdarmen ózara is-qımyl jónindegi 2024 jylǵy maýsymǵa arnalǵan, Nashaqorlyqqa qarsy halyqaralyq kúnge oraılastyrylǵan birlesken sporttyq-buqaralyq jáne esirtkige qarsy-profılaktıkalyq is-sharalardyń Aılyq jospary qalalyq Prokýratýra jáne Polısıa deparatmentimen jasalǵanyn eske salamyz.