Nashaqorlyqtyń aldyn alý jáne oǵan qarsy kúres ózekti máseleler bolyp qala beredi. Aılyq aıaqtaldy, biraq bul zulymdyqqa qarsy turý barlyq baǵytta jalǵasýda. Bul týraly Almatynyń óńirlik komýnıkasıalar qyzmetiniń brıfıńinde "Narkostop" jobasynyń kýratory Nýrjan Jakýpov málimdedi, dep habarlaıdy almaty-akshamy.kz.
Esirtkige qarsy aılyqty ótkizýge 500-ge jýyq erikti qatysyp, barlyǵy 4185-ten astam esirtki saıttarynyń jarnamasy bar graffıtıdi boıady.
"Búgin biz jastar arasynda profılaktıkalyq jumysty kúsheıtý jáne esirtkige baılanysty problemalar týraly habardarlyqty arttyrý maqsatynda ótkizilgen esirtkige qarsy aılyqty qorytyndylaımyz. Bıylǵy jyl biz úshin erekshe, sebebi biz profılaktıkalyq jumysta tulǵanyń esirtkige deıin qandaı bolǵanyna basa nazar aýdardyq. Bul - adamnyń áli esirtkige ushyramaǵan, biraq psıhologıalyq jaı-kúıi, otbasylyq ahýaly, áleýmettik ortasy jáne t.b. sıaqty túrli faktorlarǵa baılanysty táýekel tobynda bolýy múmkin kezeńi", - dedi Nurjan Jakýpov.
ÓKQ spıkeri búgingi tańda Memlekettik aldyn alý saıasaty táýeldi adamdarmen jumys jasaýǵa basymdylyq qoıdy dep sanaıdy.
"Tıimdirek jumys - táýekel tobymen jumys isteý. Bıyl biz ózimiz úshin osy jumysqa basa nazar aýdarýdy tańdadyq. Bir aıdyń ishinde biz osyndaı jastardy erte anyqtaýǵa jáne qoldaýǵa baǵyttalǵan birqatar is-sharalar ótkizdik. Mektepter men joǵary oqý oryndarynda dárister men trenıńter uıymdastyryldy, onda mamandar ózin-ózi retteý tetikteri jáne esirtkige táýeldiliktiń aldyn alý joldary týraly áńgimeledi. Biz jeke konsýltasıalar men toptyq sabaqtar ótkizgen psıhologtarmen, áleýmettik qyzmetkerlermen jáne eriktilermen belsendi jumys istedik", - dedi N.Jakýpov.
Jasóspirimder jáne jastarmen jumys isteýde jańa ádister engizý mańyzdy sátterdiń biri borldy, bul olardyń psıhologıalyq turaqtylyǵyn nyǵaıtýǵa jáne salaýatty ómir saltyn qalyptastyrýǵa baǵyttaldy.
"Biz jastarǵa óz talanttaryn damytýǵa kómektesetin sporttyq is - sharalardy, shyǵarmashylyq sheberlik pen komandalyq oıyndardy qamtıtyn baǵdarlamalardy ázirledik jáne iske asyrdyq", - dep atap ótti Nurjan Jakýpov.
Sonymen qatar, aılyq aıasynda ata-analarmen jáne pedagogtarmen jumys jandandyryldy. Semınarlar men vebınarlar ótkizildi, onda esirtkige beıimdilik belgilerin erte anyqtaýdyń mańyzdylyǵy jáne jastarmen tıimdi qarym-qatynas jasaý ádisteri talqylandy.
Sondaı-aq áleýmettik jelide esirtkiniń zıany jáne aldyn alý joldary týraly habardarlyqty arttyrýǵa baǵyttalǵan aqparattyq jumys bastaldy.
"Biz árbir jas qajet bolǵan jaǵdaıda kómek pen qoldaýdy qaıdan alýǵa bolatynyn biletindeı etýge tyrysamyz", - dep túsindirdi ol.
Onyń aıtýynsha, bul jumystaǵy eń tıimdi qural - nasıhattaý jumysy.
"Men osy aılyqqa qatysqandardyń barlyǵyna: pedagogtarǵa, psıhologtarǵa, eriktilerge, quqyq qorǵaý organdarynyń qyzmetkerlerine jáne, árıne, sizderge, BAQ ókilderine, bizdiń jumysymyzdy qoldaǵanyńyz jáne jarıalaǵanyńyz úshin alǵys bildirgim keledi", - dep túıindedi Nurjan Jakýpov.