Polıseıler jasyryn esirtki prıtonyn joıdy.
Esirtki prıtony Jetisý shaǵyn aýdanyndaǵy turǵyn úılerdiń birinde bolǵan, dep habarlaıdy Almaty-akshamy.kz.
Bul týraly Esirtki qylmysyna qarsy kúres basqarmasy málimdedi.
"Úı ıesi men onyń keıbir qasyndaǵylardyń turǵylyqty jerin tintý kezinde polıetılen baılamdary, ósimdik tektes zaty bar sirińke qoraptary, elektrondy tarazylar tabyldy jáne tárkilendi. Ustalǵandar gashısh pen marıhýanany jeke paıdalaný úshin saqtaǵandaryn aıta bastady. Tárkilengen zattardyń shyǵý tegi men ıesin anyqtaý maqsatynda sot-hımıalyq saraptama taǵaıyndaldy. Esirtki zattardy tutyný jáne zańsyz saqtaý úshin oryn uıymdastyrý derekteri boıynsha sotqa deıingi tergeý amaldary júrgizilip jatyr. Kúdiktiler ýaqytsha ustaý ızolátoryna qamaldy", – dedi Almaty qalalyq polısıa departamenti bastyǵynyń orynbasary Qýatbek Naýatov.
QR QK-niń 201-babyna sáıkes ózge aqparat tergeý múddesine oraı jarıa etilmeıdi. QR Konstıtýsıasynyń 77-baby 3-bólimi 1-tarmaǵy, QR QK-niń 19-baby 1-tarmaǵyna saı kez kelgen azamat sot sheshimi zańdy kúshine engenge deıin kinásiz dep sanalady.