Qazaqstan Respýblıkasy Ulttyq qaýipsizdik komıteti (UQK) ashyq teńizde «Melıana» kemesin ustaý sáti beınelengen kadrlar jarıalady. Bul operasıa elden zańsyz munaı ónimderin shyǵarý áreketterimen baılanysty, dep habarlaıdy almaty-akshamy.kz
«Batysneftetreıd» JSHS «Melıana» tankeri arqyly munaı ónimderin zańsyz eksporttaýǵa tyrysqan. Bul operasıa Ázirbaıjannyń Socar Trading memlekettik munaı kompanıasy atynan jasalǵan. Osylaısha, bul is halyqaralyq mártebege ıe boldy. Lenta.ru aqparat kózderiniń habarlaýynsha, bul qylmystyq iske Ázirbaıjan tarapynan kontrabandalyq munaıdy eksporttaý mámilesine jaýapty basty tulǵa Israfıl Iýzbashev te tartylǵan.
Qazirgi ýaqytta Astana, Shymkent qalalarynda, Túrkistan jáne Mańǵystaý oblystarynda qajetti jedel-izdestirý sharalary júrgizilýde.
Ulttyq qaýipsizdik komıtetiniń paıymdaýynsha, nafta ónimi «Melıana» tankerine peshke arnalǵan maı jeleýimen eksporttalǵan.
Bul ónim Qazaqstannyń Mańǵystaý oblysynda ornalasqan «Mańǵystaý munaı óńdeý» JSHS munaı óńdeý kásipornynda shyǵarylǵan.