Almaty qalasy Almaly aýdanynyń polıseıleri alaıaqtyq jasady degen kúdiktini ustady.
Almaty oblysynyń 38 jastaǵy turǵyny aqsha tabýdyń “qarapaıym” ádisin oılap tapqan, dep habarlaıdy Almaty-akshamy.kz Polisia.kz-ke silteme jasap.
«Kólikterdi jalǵa alyp, GPS-in alyp tastap, úshinshi adamdarǵa kóliktiń qujaty joq degen jeleýmen arzandatylǵan baǵamen satyp jibergen. Al aqshany óz qalaýy boıynsha jumsaǵan. Tergeýdiń osy kezeńinde 1985 jyly týǵan O.esimdi azamattyń osyǵan uqsas alaıaqtyqtyń 5 deregine qatysy bary anyqtaldy. Qylmystyq ister QR QK-niń 190-baby 3-bóligine sáıkes tergelip jatyr. Aıyptalýshy qazir ýaqytsha ustaý ızolátorynda otyr. Azamattardy eger ony tanyǵan jaǵdaıda, bizge myna telefondar arqyly habarlasýǵa shaqyramyz: 8-705-555-77-63; 8-775-747-77-78 jáne 8-778-591-91-35», – deıdi Almaly aýdandyq polısıa basqarmasynyń bastyǵy Oljas Sháripov.
QR QK-niń 201-babyna sáıkes ózge aqparat tergeý múddesine oraı jarıa etilmeıdi. QR Konstıtýsıasynyń 77-baby 3-bólimi 1-tarmaǵy, QR QK-niń 19-baby 1-tarmaǵyna saı kez kelgen azamat sot sheshimi zańdy kúshine engenge deıin kinásiz dep sanalady.