XIX-jazǵy Azıa oıyndary: almatylyq sportshylar ózderi qatysqan jarystar týraly aıtyp berdi
23 qyrkúıek pen 8 qazan aralyǵynda Qytaıdyń Hanchjoý qalasynda XIX-jazǵy Azıa oıyndary ótti. Qazaqstandyq sportshylar 10 altyn, 22 kúmis jáne 48 qola medal jeńip aldy. Júldegerler arasynda almatylyq sportshylar da bar. Olar ózderiniń jetistikteri jáne nátıjelerimen Almaty qalasynyń Óńirlik komýnıkasıalar qyzmetiniń baspasóz konferensıasynda bólisti, dep habarlaıdy almaty-akshamy.kz.
Jaǵajaı voleıbolynan Qazaqstan quramasynyń bas jattyqtyrýshysy Denıs Rovkın bizdiń sportshylardyń qalaı óner kórsetkenin aıtyp, kelesi jylǵa arnalǵan josparlarymen bólisti.
«Azıada týrnıri bıylǵy jyly biz úshin sońǵy boldy jáne jaǵajaı voleıbol maýsymyn osyndaı jaqsy notada aıaqtaǵanymyz óte qýanyshty. Qazaqstandyq jaǵajaı voleıbolyna arnalǵan Azıa oıyndaryndaǵy qola medal bizdiń qorjynymyzda 2014 jylǵy altyn medaldyń baryna qaramastan, úlken jetistik. Biraq qazirgi ýaqytta bul biz úshin óte jaqsy, joǵary jetistik. Bizdiń jaqyn josparymyzda Olımpıada oıyndaryna irikteýden ótý kerek, onyń ekinshi kezeńi Qazaqstanda ótedi», - dedi D.Rovkın.
Jaǵajaı voleıbolynan Qazaqstan quramasynyń qorjynyna Sergeı Bogotý men Dmıtrıı Iakovlev qola medal saldy. Sportshylar oıynnan alǵan áserlerimen bólisip, jazǵy Azıa oıyndaryna qatysý tájirıbesi týraly aıtyp berdi.
«Jalpy,bul - meniń Azıa oıyndaryna ekinshi ret qatysýym. Týrnırge bir apta qalǵanda men aýyryp qaldym, jolda, ıaǵnı ushaqta oıyndar bastalǵanǵa deıin birtindep óz-ózime kele bastadym. Oıyndar óte jaqsy ótti, biz bárin jasadyq jáne ár oıyn aıyn kóterilip otyrdyq. Biz is júzinde álsizdeý oınadyq, nátıje múldem basqasha bolýy múmkin edi, óıtkeni komanda óte myqty boldy. Bul komanda eń myqty juptardy jeńdi, jáne bizdiń olarmen qalaı oınaǵanymyzdy kórý kerek edi. Shyn máninde, bizdiń jupqa arnalǵan týrnır tarıhı sát boldy, bul medal bizdiń sport túrine qajet edi», - dep atap ótti Sergeı Bogotý.
Onyń seriktesi Iakovlev Dmıtrıı jarys kezinde aýa - raıy jıi ózgergenin atap ótti - sportshylardyń jańbyrly aýa-raıynda da, joǵary temperatýrada da, qatty jelde de oınaýǵa týra keldi.
«Bizdiń sport túriniń ereksheligi – bizdiń kez-kelgen aýa-raıynda oınaýǵa daıyn ekendigimizde. Aýa-raıyna shynymen beıimdele alatyn adam medal jeńip alyp, machta jeńiske jetedi. Sondyqtan biz úshin bári jaqsy boldy, bári unady», - dep tolyqtyrdy ol.
Sonymen qatar, oq atýdan óner kórsetken sportshylar, Azıa oıyndarynyń qola júldegerleri Aleksandra Le men Islam Sátbaev aýa-raıynyń qolaıly bolǵanyn atap ótti. Oq atý jabyq jerde de, ashyq jerlerde de ótkiziledi.
«Aýa-raıynyń biz úshin de mańyzy zor. Óte ystyq bolyp, qapyryq turdy, biraq biz medal alǵan 10 metrlik qashyqtyq jabyq jerde ótkiziledi, jáne mundaı kezde ádettegideı, kondısıonerlerdiń qosylyp turatyny belgili, syrtqy jáne ishki temperatýranyń tómendeýi de áser etedi, biraq bizdiń mundaımen ushyrasýymyz birinshi ret emes, sondyqtan mundaı jaıttarǵa aldyn ala daıyndaldyq. Sondaı-aq, bizde 50 metrlik qashyqtyq bar, ol ashyq atys alańynda ótkiziledi jáne jaqsy atý úshin barlyq aýa-raıy jaǵdaılary eskeriledi. Biz atqan kúni aýa raıy óte jaqsy boldy, jańbyr jaýǵan joq, tipti qatty jel de bolǵan joq», - dedi Aleksandra Le.
Oq atý komandasynyń ókili Islam Sátpaev bul psıhologıalyq daıyndyq pen tehnıkalyq jaǵy óte mańyzdy tehnıkalyq sport túri ekenin atap ótti. Ol sondaı-aq 2012 jyly sportqa dostarynyń usynysy boıynsha kelgenin jáne onymen kásibı túrde aınalysýǵa sheshim qabyldaǵanyn aıtty.
Ulttyq quramanyń qorjynyna taǵy bir qolany sporttyq gımnastıkada óner kórsetetin Narıman Qurbanov alyp keldi, ol úshin Azıa oıyndary osy maýsymda aıaqtaýshy boldy.
«Bıylǵy jyly Azıa oıyndary álem chempıonatymen tuspa-tus keldi. Iaǵnı, lısenzıalyq álem chempıonaty jáne biz úshin asa mańyzdy Azıa oıyndary týrnıri bir kúnde ótti. Biz qıyn sheshim qabyldadyq, meni komanda kóshbasshysynyń biri retinde jalǵyz ózimdi Azıa oıyndaryna jiberdi, al qalǵan komanda álem chempıonatyna baratyn boldy. Sebebi, medaldar, lısenzıalar barlyq týrnırlerden qajet boldy. Biraq, biz sátti óner kórsettik, Azıa oıyndarynda bizdiń sporttan shamamen 15 jyl ishinde alǵash ret medal tıdi, 20 jyldan astam ýaqyt ishinde Álem chempıonatyndaǵy alǵashqy medal jáne Olımpıada oıyndaryna lısenzıa Mılad Karımıden keldi . Endi alda Álem Kýbogynyń lısenzıalyq kezeńderi ótetin aqpan aıyna daıyndyq kútip tur», - dep bólisti ol.
2023 jylǵy grek-rım kúresinen Azıa oıyndarynyń qola júldegeri Azat Sadyqov Azıa oıyndarynyńm joǵary deńgeıde uıymdastyrylǵanyn atap ótti. Nátıjelerge keletin bolsaq, sportshynyń pikirinshe, kópshilikke sáttilik jetpeı qalǵan.
«Men naqty grek-rım kúresi týraly aıtaıyn, bálkim, bireýdiń joly bolmaǵan shyǵar, daıyndyq jaqsy bolǵanymen, barlyǵy júz paıyzǵa daıyn boldy jáne biz jyl boıy daıyndaldyq. Maǵan keletin bolsaq, jaraqattardy emdep, kelesi jarystarǵa daıyndalý kerek. Biraq, jalpy aıtqanda, bireýge motıvasıa, bireýge demeýshiler jetpeı qalǵan shyǵar. Balalardyń bireýine kelesi qadam jetpeı jatady, kóbisi sportty basynda-aq tastap ketedi», - dedi A. Sadyqov.
Sý dobynan Qazaqstannyń erler komandasy da qola medal jeńip aldy. Bul sport túri Qazaqstanda asa damymaǵanymen, jas urpaqtyń belgili bir qyzyǵýshylyǵy bar, dep atap ótti vaterpolıst jáne qola júldeger Rýstam Ýkýmanov.
«Bizdiń óz chempıonatymyz joq, jas urpaq oınap, jattyǵyp jatqanmen, sodan keıin olar ózderiniń sporttyq mansabyn jalǵastyra alatyn klýb joq. Bizde otyz jyl boıy bir ǵana klýb bar. Adamdar sý polosy týraly bilmeıdi - bári bul sportty sý túbine jetkizý deıin oınaıdy dep oılaıdy. Shyn máninde olaı emes, biz erejelerge sáıkes túbine tıgizbeýimiz kerek, ol kem degende eki metr bolýy kerek», - dedi R. Ýkýmanov
Jaǵajaı voleıbolynyń sportshylary da qıyndyqtar týraly aıtty. Qumda oınaý úshin sportshylarǵa tıisti jaǵdaı qajet, al ol is júzinde joq jáne qazirgi ýaqytta qol jetimdi bolmaı otyr.
«Jyldyń 6-7 aıynda bizdiń qumda jattyǵý múmkindigimiz joq. Qazan men naýryz aılary aralyǵynda biz qatal klımattyq jaǵdaılarǵa baılanysty ashyq aýada jattyǵýǵa múmkindigimiz joq. Jaǵajaı voleıbolynyń eń úlken problemasy - bizde qumy bar sport zaly joq. Eger buryn federasıanyń jaqsy qarjylandyrýymen bizde jyly elderde jattyǵýǵa, Taılandta, Brazılıada, Ispanıada oqý-jattyǵý jıyndarynan ótýge múmkindik bolsa, qazirgi ýaqytta voleıbol federasıasynyń qarjylyq qoldaýy bolmasa, biz sport zalynda jattyǵýǵa májbúrmiz. Bul bizdiń negizgi maýsymǵa daıyndyǵymyzǵa keri áser etedi. Almaty qalasynda qumy bar shaǵyn sport zalyn salý múmkindigi bar dep úmittenemiz», - dep bólisti jaǵajaı voleıbolynan Qazaqstan quramasynyń bas jattyqtyrýshysy Denıs Rovkın.
Sońynda Azıada júldegerleri almatylyqtar men búkil el turǵyndaryn sport zaldaryna kelýge, sportpen shuǵyldanýǵa shaqyrdy. Sondaı-aq, sportshylar kele jatqan Qazaqstan Respýblıkasynyń kúnimen quttyqtady.