Búgin 16 qazanda medısınalyq qaýymdastyq Dúnıejúzilik anestezıolog kúnin atap ótedi.
Dál osy kúni, 1846 jyly tis dárigeri Ýılám Tomas Morton jáne hırýrg Djon Ýorren narkozdy qoldaný arqyly alǵashqy qoǵamdyq operasıany jasady, dep habarlaıdy Almaty-akshamy.kz QR Densaýlyq saqtaý mınıstrliginiń saıtyna silteme jasap.
Ataýly kúnge baılanysty QR Densaýlyq saqtaý mınıstri Ajar Ǵınıat anestezolog mamandardyń eńbegine toqtalyp, merekelerimen quttyqtady.
«Anestetıkalyq zat retinde efır qoldanyldy. Bul medısınada jańa dáýirdi ashty: hırýrgıalyq aralasýlar men manıpýlásıalar úshin múldem jańa keńistik bergen aýyrsyzdandyrý dáýiri.
Qazaqstanda osy mańyzdy mamandyq boıynsha 3089 dáriger jumys isteıdi, olardy «aýyrsynýǵa qarsy senimdi qalqan», hırýrg dárigerlerdiń taptyrmas áriptesteri dep ataıdy.
Óıtkeni kez-kelgen operasıalyq aralasýdyń jáne ınvazıvti manıpýlásıanyń sáttiligi men qaýipsizdigi durys anestezıaǵa baılanysty.
Tek anestezıologtar aýyrsynýdy basatyn dárilerdi sheber tańdaı alady, «jasyryn» tamyrlardy taýyp, naýqastardy «tonnelsiz» anestezıadan shyǵara alady, bul sizdiń biregeıligińizdi, sheberligińizdi jáne adaldyǵyńyzdy taǵy bir ret kórsetedi.
Qurmetti anestezıologtar, reanımatologtar jáne anestezıster mereke qutty bolsyn! Sizderge qajyrly eńbekterińiz, túngi kezekshilikterińiz, birneshe saǵattyq operasıalaryńyz ben árbir pasıentke kórsetken kómekterińiz úshin alǵys aıtamyn.
Sizderge zor densaýlyq, otbasylyq amandyq, kásibı bıikter tileımin, sondaı-aq pasıentterge rızashylyq bildiremin»! - dedi Ajar Ǵınıat.