16 mamyr kúni eldiń batysynda, soltústik-batysy men soltústiginde jańbyr, naızaǵaı jáne burshaq kútiledi. Mańǵystaý oblysynda qatty jaýyn jaýady. Qazaqstannyń soltústiginde ystyq birtindep báseńdeı bastaıdy. Al ońtústikte synap baǵany 43°S-qa deıin kóteriledi.
«Qazgıdromettiń» habarlaýynsha, 16 mamyrda Qazaqstannyń barlyq oblysynda daýyldy eskertý jarıalanǵan. Negizgi sebepter: nóser jańbyr, naızaǵaı, ekpindi jel jáne 35–40°S-qa deıingi aptap ystyq.
Qalalar boıynsha aýa raıy:
▪️ Astanada kúndiz +28–30 °C, jańbyr jaýyp, naızaǵaı oınaıdy. Túnde +18–20 °C, keıde jańbyr men naızaǵaı bolady. Jeldiń jyldamdyǵy — 9–14 m/s.
▪️ Almatyda kúndiz +34–36 °C, túnde +19–21 °C, jaýyn-shashynsyz. Jeldiń jyldamdyǵy — 3–8 m/s.
▪️ Shymkentte kúndiz +39–41 °C, túnde +20–22 °C, jaýyn-shashynsyz. Jeldiń jyldamdyǵy
— 3–8 m/s.