Bul sort vılt aýrýyna tózimdiligimen erekshelenedi.
Túrkistan oblysynda "Maqtaaral-5027" atty jańa maqta surpy belsendi túrde engizilip jatyr, dep habarlaıdy aqshamnews.kz Aýyl sharýashylyǵy mınıstrligine silteme jasap.
"Maqta jáne baqsha aýyl sharýashylyǵy tájirbıe stansıasy" ǵalymdary shyǵarǵan bul sort erte pisetin topqa jatady, óskinnen bastap alǵashqy qaýashaqtyń ashylýyna deıin 115–117 kún ýaqyt ketedi.
"Ónimdiligi gektaryna 43,4 sentnerge deıin jetedi. Sort vılt aýrýyna tózimdiligimen erekshelenedi, aýrýǵa shaldyǵý deńgeıi tek 0,1% quraıdy", - dep jazylǵan habarlamada.
"Maqtaaral-5027" sorty talshyǵynyń shyǵymy 37–38%, uzyndyǵy 33,5–33,7 mm. Butasy konýs tárizdi, jaıylmaly emes, bıiktigi 120–125 sm. Qaýashaqtary dóńgelek, sál budyrly, bes japyraqty, jaqsy ashylady jáne pisip-jetilgende túspeıdi. 1000 tuqymnyń salmaǵy 122,5–124,2 gramdy quraıdy.
Atalmysh sort maqta kóbelegi men karadrınaǵa tózimdi. Sonymen qatar tyńaıtqyshtarǵa beıimdelgen, kesh sýarýǵa tózimdi jáne mehanıkalyq jınaýǵa yńǵaıly.