Erbolat Dosaev «Kóktóbedegi» densaýlyq jolynyń qurylysy boıynsha eskertýler engizdi, dep habarlaıdy Almaty-akshamy.kz
Almaty ákimi Erbolat Dosaev jumys sapary jáne Medeý aýdanynyń turǵyndarymen kezdesý barysynda jaıaý júrginshilerdiń densaýlyq joly qurylysynyń barysymen tanysty.
Almaty turǵyndarynyń «Kóktóbege qatysty» ótinishterin eskere otyryp, qala ákiminiń tapsyrmasy boıynsha 2023 jyldyń qazan aıynda jaıaý júrginshilerge arnalǵan densaýlyq jolynyń qurylysy bastalǵan edi. Buryn bul jol jaıaý júrginshilerdi jol boıymen júrý qajettiligin eskermeı jobalanǵan bolatyn, sonyń saldarynan qala turǵyndary qaýipti jol boıymen júrýge májbúr boldy. Densaýlyq joly paıdalanýǵa berilgen kezde bul másele sheshimin tabady. Saıabaqqa aparatyn joldyń uzyndyǵy 1,2 km quraıdy.
«Merkýr holdıń» JSHS bas dırektory Esenǵalı Baımenov qala basshysyna baıandaǵandaı, qazirgi ýaqytta soqpaqtyń negizi aıaqtaldy, asfálttaldy jáne shekaralar ornatyldy. Aldaǵy ýaqytta kirý tobyn, eki qaraý alańyn, baspaldaq jolyn qurý, sondaı-aq oryndyqtar men qorshaýlardy ornatý josparlanýda. Marshrýt bastalar aldynda saıabaq aımaǵy qurylady, onda buryn abattandyrylmaǵan ýchaske bolǵan.
Qala basshysy birqatar eleýli kemshilikterge nazar aýdardy: birinshiden, ol «Kóktóbe» saıabaǵyna kire beristegi shlagbaýmdar mańyndaǵy keńistikti jabdyqtaý qajettigin atap ótti. Jaıaý júrginshiler jolynyń ózine keletin bolsaq, ákim qazirgi ýaqytta bul baǵytta jaryqtyń jáne qala turǵyndary ustap ótetin tutqalardyń joqtyǵy aıtyldy.
Erbolat Dosaev munda kelýshiler men týrıser úshin iske asyrylyp jatqan jobanyń mańyzdylyǵyn aıtty, ásirese qala turǵyndarynyń qaýipsizdigi barynsha ózekti másele ekenin atap ótti.
Aıta keteıik, bul joba jeke ınvestısıalar esebinen júzege asyrylýda.
Jalpy, aldaǵy jyldary Almatyda kóbirek qoǵamdyq keńistikter paıda bolady. Esentaı, Úlken Almaty ózenderiniń boıyndaǵy jaǵalaýlarǵa rekonstrýksıa júrgiziledi. Aǵymdaǵy jyly jaıaý júrginshilerge baǵdarlanǵan uzyndyǵy 17 km Raıymbek dańǵylyn qaıta uıymdastyrý josparlanýda, Pýshkın kóshesi boıynsha Gogol kóshesinen Raıymbek batyr dańǵylyna deıingi uzyndyǵy 1,1 km jaıaý júrginshiler aımaǵyn abattandyrý josparlanýda.