Jumys sapary barysynda Almaty ákimi Erbolat Dosaev qurylys alańyna baryp, jobany iske asyrý qarqyny týraly aıtylǵan baıandamalardy tyńdady.
Qulja traktiniń ońtústiginde, Medeý aýdanyndaǵy «Shyǵys qaqpasy» jańa polıortalyǵynyń aýmaǵynda 2000 oryndy mektep salynýda.
Qurylys alańynda jobanyń mártebesi týraly aqparatty tyńdap, qala ákimi mektepke kireberis joldy jáne turaq keńistigin jaılastyrý kezinde qaýipsizdik sharalaryn qamtamasyz etý qajettigin atap ótti. Osy maqsatta jyldamdyq rejımin shekteý engiziledi jáne retteletin jaıaý júrginshiler ótkelderi jabdyqtalady. Sondaı-aq, qala ákimi obektiniń ınjenerlik jelilerin jalpyqalalyq jelilerge ýaqtyly qosý jáne kórsetilgen merzimde qurylysty aıaqtaý qajettigin atap ótti.
«Samruk-Kazyna Construction» AQ basqarma tóraǵasynyń orynbasary Amangeldi Sattarovtyń aıtýynsha, mektep úsh qabatty bolady, asqana tómengi qabatta, jertólede ornalasady. Aýmaqta úlken stadıon qarastyrylǵan. Jańa Jol qozǵalysy erejesi boıynsha josparlanǵan turaq ornynda jasyl aımaq jabdyqtalady. Avtokólikter úshin bólek turaq bolady. Nysandy aǵymdaǵy jyldyń sońyna deıin tapsyrý josparlanýda.
Medeý aýdanynyń «Dýman», «Dýman-2», «Atyraý», «Keńsaı» jáne «Alataý» shaǵyn aýdandarynda turatyn balalar jańa mektepke bara alady. Bul atalǵan shaǵyn aýdandarda ornalasqan qoldanystaǵy úsh - №98, 99 jáne 64 mektepterdiń júktemeni aıtarlyqtaı tómendetýge múmkindik beredi.
Eske salsaq, Almatyda Memleket basshysynyń bastamasymen «Jaıly mektep» ulttyq jobasy aıasynda 36800 oqýshyǵa arnalǵan 22 mektep salynýda. Olar iske qosylǵan kezde, 2025 jylǵy 1 qyrkúıektegi jaǵdaı boıynsha oqýshy oryndarynyń tapshylyǵy basqarylatyn deńgeıge deıin 3-4 myń orynǵa deıin tómendeıtin bolady.