Erbolat Dosaev «Medeý – Shymbulaq» jolyndaǵy tastardyń qulaýy saldarynan bolǵan zalaldardy joıý jumystarymen tanysty. Tastardyń qaıta qulaýy múmkindigine baılanysty betkeılerdi nyǵaıtý, nóser júıesin salý jáne joldy jóndeý jumystary josparlanǵan.
Aýdan ákimi Erkebulan Orazalın qala basshysyna taý bókterindegi nyǵaıtý jumystary boıynsha másele josparly túrde sheshilip jatqanyn baıandady.2023 jyldyń qazan aıynda «Medeý – Shymbulaq» jolyndaǵy qulaǵan tastardyń saldaryn joıý jumystary bastaldy. Jartastyń qulaýynan jartylaı zaqymdalǵan qorǵanys qabyrǵasy bólshekteldi. «Mohnatka» jáne «Gorelnık» taýlarynyń baýraıynan shamamen 80 myń m2 tas shyǵaryldy jáne 21 myń m3 jer úıindilerden tazartyldy.
Erbolat Dosaev jumystardy belgilengen merzimde - aǵymdaǵy jyldyń tamyz aıyna deıin aıaqtaýǵa tapsyrma berip, bul másele qala turǵyndarynyń qaýipsizdigi maqsatynda qatań baqylaýda ekenin atap ótti.