Qaladaǵy jaǵdaı ýshyǵyp tur, táýligine 1500-den astam jaǵdaı tirkelýde.
Qoǵamdyq densaýlyq basqarmasynyń basshysy Narıman Tabynbaev Óńirlik komýnıkasıalar qyzmetinde ótken brıfıńte Almatyda koronavırýstyq ınfeksıasyn juqtyrǵan naýqastardy aýrýhanaǵa jatqyzý jáne vaksınalaý jaǵdaıy týraly aıtty, dep habarlaıdy Almaty-akhamy.kz
Spıkerdiń aıtýynsha, qaladaǵy jaǵdaı ýshyǵyp tur, táýligine 1500-den astam jaǵdaı tirkelýde, sáıkesinshe aýrýhanaǵa jatqyzý sany da artýda.
«Delta» shtamynyń ereksheligi – onyń tez juǵatyndyǵynda jáne naýqastyń jaǵdaıynyń tez nasharlap, kóbinese naýqastyń aýrýhanaǵa túsýinde. Taǵy bir erekshelik – bul jastarǵa tez juǵady. Búginde qalalyq stasıonarlardaǵy 40 jasqa deıingi jastar 23%-dy quraıdy. Sonymen qatar, 200-den astam bala aýrýhanaǵa jatqyzyldy», - dep atap ótti Narıman Tabynbaev.
Ol úı karantıninde 10 888 naýqastyń jatqanyn, olardyń 1600-i 14 jasqa deıingi balalar ekenin aıtty. Stasıonarlarda 5 156 adam em alýda. Qazirgi kezde stasıonarlardyń júktemesi shamamen 67%-dy quraıdy. Asa aýyr jaıdaǵy naýqastar sany - 190 adam, aýyr jaǵdaıda - 1 368 adam, reanımasıada jatqandar – 385 adam .
«Ózderińiz bilesizder, Almaty stasıonarlary 3 eshelonǵa bólingen. Birinshisinde 3 950 tósek-oryn, ekinshisinde 1995, úshinshisinde – 1100 tósek-oryn bar. Eger qańtar men aqpanda orta eseppen 30-40 naýqas aýrýhanaǵa jatqyzylsa, qazir 700 adam qabyldanýda, bul 23 esege kóp. Munyń barlyǵy salystyrmaly túrde jaǵdaıdyń ýshyǵyp turǵanyn kórsetedi, naýqastar aýrýhanaǵa jappaı jatqyzylýda. Eger buryn jýrnalıser "Nege aýrýhanalar jartylaı bos tur?" dep suraq qoısa, qazir olar únemi "Nege oryndar jetispeıdi?" dep suraıdy», - dedi Almaty QDB basshysy.
Narıman Tabynbaevtyń aıtýynsha, munyń bári qalanyń emdeý mekemeleriniń ınfraqurylymyna, medısına qyzmetkerlerine úlken júkteme túsiredi. KVI-men aýyratyn naýqastardy emdeýge kóp qarajat bólinedi – dári-dármekterge, stasıonarlyq kútimge, PTR-testilerge jáne ártúrli tekserýlerge. Keıde munyń bári jedel járdemniń keshigýine ákelýi múmkin. Kún saıyn jedel járdemdi KVI-men aýyratyn naýqastardyń shamamen 35%-y shaqyrady. Aýrýhanalardyń «qarbalas kezi» - saǵat 12-den 14-ke deıin jáne saǵat 20-dan 22-ge deıingi aralyqta 130 pasıent jetkiziledi.
«Koronavırýspen kúrestiń basty tásili vaksınalaý bolyp qala beredi. Qalada 755 myń azamatqa birinshi komponent salyndy, bul josparlanǵan kólemniń 60%-yn quraıdy. Vaksınanyń ekinshi komponentin 560 myń almatylyq qabyldady. Qalada vaksınalardyń jetkilikti sany bar ekenin atap ótkim keledi: Spýtnık-V 12 848 doza, qazaqstandyq vaksınanyń 1600 dozasy. Kún saıyn 7-8 myń qala turǵynyna birinshi komponentpen, al ekinshi komponentpen 12-13 myń adamǵa deıin vaksınalanady», - dedi Narıman Tabynbaev.
Almatynyń QDB basshysy almatylyqtardy qaladaǵy jappaı vaksınalaý naýqanyn qoldaýǵa shaqyrdy. Ol vaksınalanǵan adamdardyń KVI juqtyrý yqtımaldyǵy birneshe ese az bolatynyn jáne olar aýrýdy jeńildetetinin atap ótti.