Almatyda 2025 jylǵy 18 mamyrda BI Run qaıyrymdylyq jarysy ótedi, dep habarlaıdy Aqshamnews.kz Almaty qalasynyń Sport basqarmasyna silteme jasap.
İs-sharanyń ótkizilýine baılanysty 18 mamyrda saǵat 07:00-den 12:00-ge deıin jarys ótkiziletin aýdanda kólik qozǵalysyna ýaqytsha shekteýler qoıylatyn bolady.
Baýyrjan Momyshuly kóshesiniń (ońtústik baǵytta) Móńke kóshesinen (Bıgvıll Arena City TK) Almaty Arena-ǵa deıingi ýchaskede bir avtobýs jolaǵy jáne jeńil avtomobılderge arnalǵan bir jolaq jabylady. Osy baǵyttaǵy qalǵan jolaq shtattyq rejımde jumys isteıtin bolady.
Sondaı-aq Almaty Arena aýmaǵyndaǵy aınalma kóshe tolyǵymen jabylady. Bul ýchaskede 5 jáne 10 km qashyqtyqta qaýipsiz júgirý marshrýty uıymdastyrylady (marshrýt kartasyn qarańyz).
Qashyqtyqtaǵy qaýipsizdikti jol polısıasynyń qyzmetkerleri men eriktiler qamtamasyz etedi.
Turǵyndar men avtokólik ıelerinen ýaqyt shekteýlerin eskere otyryp, marshrýtty aldyn ala josparlaýdy suraımyz.