Bul týraly Almaty Óńirlik komýnıkasıalar qyzmetiniń brıfıńinde qala ákiminiń orynbasary Maqsat Qıqymov málimdedi, dep habarlaıdy Almaty-akshamy.kz
Spıkerdiń aıtýynsha, Halyk Bank tártipsizdik saldarynan zardap shekken mıkrobıznes sektorynan óz qaryz alýshylaryna zalal mólsherin rastaýdy usynbastan, bıznesti qalpyna keltirýge mıllıon teńge mólsherinde óteýsiz grant bólý týraly sheshim qabyldady. Sonymen qatar, bank óz klıentteriniń osy sanatyna 6 aıǵa deıingi merzimge nesıe tólemderi boıynsha nesıelik demalys beredi.
«Sondaı-aq Halyk Bank OÁD, «Moskva», «Azıa-park», «Aport», Promenade, Silk Way, «Mobılka» jáne Globus saýda ortalyqtarynda banktiń klıentteri bolyp tabylmaıtyn mıkrobıznes ókilderine qoldaý kórsetedi. Olarǵa qalpyna keltirý jumystaryna, sonyń ishinde qajetti jabdyqtardy satyp alýǵa mıllıon teńge aýdarylady», - dedi ákimniń orynbasary.
Sonymen qatar Almaty Business-2025 qalalyq baǵdarlamasyna ózgerister engiziletin bolady.
«Birinshiden, Almaty MQU-dan 10 mln teńgege deıin aınalym qarajatyn 2%-ben 12 aıǵa deıingi merzimge tolyqtyrýǵa, kepilge jáne/nemese «Almaty» ÁKK-niń ishinara kepildigine jeńildikti qarjylandyrý ónimi engiziletin bolady», - dep bólisken Qıqymov ótinimder joba bekitilgennen keıin 6 aı ishinde qabyldanatynyn atap ótti.
Ol tártipsizdikterden zardap shekken qazirgi Almaty Finance jáne Almaty MQU qaryz alýshylaryna negizgi qaryzdy óteý boıynsha keıinge qaldyrý, sondaı-aq aıyppuldar men ósimpuldardan 180 kúnge deıin bosatý beriletinin aıtty. Ol úshin 2022 jyldyń 31 qańtaryna deıin ótinish berý kerek. Sonymen qatar, jeke tártipte qańtardaǵy tártipsizdikter men tótenshe jaǵdaı rejımin tikeleı nemese janama qozǵaǵan jumys istep turǵan qaryz alýshylardyń kredıtteri boıynsha keıinge qaldyrý máseleleri qaralatyn bolady.
«Ekinshiden, Almaty Finance jáne Almaty MQU tarapynan nesıelendirýdiń eń uzaq merzimi jarty jylǵa, ıaǵnı 90 aıǵa deıin (buryn 84 aı bolatyn) ulǵaıtylady. Kepilsiz kredıtteý boıynsha mólsherleme 12%-dan 9%-ǵa deıin tómendetiledi. Qujattardy qabyldaý prosesi jeńildetiledi, bul ótinimderdi qaraýdy edáýir jyldamdatady jáne osy baǵdarlamany odan da qoljetimdi etedi», - dedi spıker.
Ótinishti saıt arqyly berýge bolady https://spk-almaty.kz / nemese mekenjaıy: Almaty, Baızaqov kóshesi, 303, Investısıalar úıi.