Beısenbi, 26 mamyrda, independ.kz alańynda «Azamattyq bastamalardy qoldaý ortalyǵy» qoǵamdyq birlestiginiń brıfıńi ótti.
Jýrnalısermen kezdesý taqyryby 5 maýsymda ótetin Konstıtýsıaǵa ózgerister men tolyqtyrýlar engizý jónindegi referendým týraly boldy, dep habarlaıdy Almaty-akshamy.kz
Qoǵamdyq birlestik ókilderi óz uıymynyń referendým barysyn qadaǵalaıtyn shtab quratynyn habarlady.
Shtab basshysy Botagóz Qudysheva, Áýezov aýdany boıynsha úılestirýshi Janna Muqataeva, Almaly aýdany boıynsha úılestirýshi Jasulan Tájibaev bul jumystardyń qalaı júzege asatynyn aıtty.
Botagóz Qudysheva atap ótkendeı, «Azamattyq bastamalardy qoldaý ortalyǵy» ÚEU halyqtyń erkin pikir bildirý múmkindigi retinde referendým ótkizýdi qoldaıdy. Búgingi tańda elimizdiń árbir azamatyn Jańa Qazaqstandy teń múmkindikter qoǵamy, áleýmettik ádilettilik jáne árbir adamnyń ál-aýqaty qoǵamy retinde qurý ıdeıasy qýantady.
Qoǵamdyq birlestik belsendileri atynan Botagóz Qudysheva Jańa Qazaqstandaǵy úkimettik emes uıymdar basty ról atqaratynyna senim bildirdi.
Janna Muqataeva qoǵamdyq birlestiktiń volonterleri árqashan eldegi qoǵamdyq úderisterdiń bel ortasynda bolýǵa, memlekettik qurylymdardyń jumysyn qadaǵalap otyrýǵa umtylatynyna nazar aýdartty.
«Azamattyq bastamalar ortalyǵy» quramyna turaqty negizde eriktilerdi qabyldap otyrady.
Spıker 4-6 maýsym aralyǵynda myna mekenjaıda: Markov kóshesi, 46 úıdiń (Ǵabdýllın kóshesiniń qıylysy), 4-qabatynda ("Kóktem" shaǵynaýdany) uıymnyń shtaby jumys isteıtinin habarlady.
Jýrnalısermen kezdesýdi aıaqtaǵan Jasulan Tájibaev «Azamattyq bastamalar ortalyǵy» qoǵamdyq uıymynyń atynan barsha azamattardy referendýmda daýys berýge, sol arqyly Jańa Qazaqstannyń qurylýyna úles qosýǵa shaqyrdy.