Qazaqstan Premer-Mınıstriniń birinshi orynbasary Roman Sklár jumys saparymen Qytaıǵa bardy
2023 jylǵy 16 jeltoqsanda qytaı tarapynyń shaqyrýymen QR Premer-Mınıstriniń birinshi orynbasary Roman Sklár jumys saparymen Qytaıdyń mańyzdy ónerkásiptik, ınovasıalyq jáne ǵylymı-bilim berý ortalyqtarynyń biri Hefeı qalasyna (Anhoı provınsıasy) bardy.
Atalǵan sapar barysynda Roman Sklár Anhoı provınsıasy Partıa komıtetiniń hatshysy Han Szúnmen jáne Anhoı provınsıasy Halyq úkimetiniń tóraǵasy Van Sınsánmen kelissózder júrgizip, onyń aıasynda taraptar Qazaqstan óńirleri men Anhoı provınsıasy arasyndaǵy saýda-ekonomıkalyq, ınvestısıalyq, ónerkásiptik jáne mádenı-gýmanıtarlyq yntymaqtastyqty odan ári tereńdetýdiń ózekti máselelerin talqylady.
İs-sharanyń qorytyndysy boıynsha «Astana Motors» JSHS men qytaılyq «Chery International Co., Ltd.» avtomobıl jasaý kompanıasy arasynda yntymaqtastyq týraly memorandýmǵa qol qoıý rásimi ótti, onda «Almaty» ındýstrıalyq aımaǵynda avtoónerkásiptik parktiń birlesken qurylysy salasynda joǵaryda atalǵan QR men QHR kásiporyndary arasyndaǵy strategıalyq yntymaqtastyqty damytýdy kózdelgen.
Sapar sońynda qazaqstandyq delegasıa «JAC Group» – «JAC Xinggang» jáne «JAC NIO» qytaılyq iri avtomobıl jasaý kompanıalarynyń biri, sondaı-aq Hefeı qalasynyń Ekonomıkalyq jáne tehnologıalyq damý aımaǵyn aralap, «Sungrow Power Supply Co., Ltd.» qytaı energetıkalyq kompanıasynyń óndiristik bazalarynyń negizgi qyzmetimen tanysty.