Almatyda jańa jyldan bastap aýla aýmaqtarynyń standarttaryn engizý josparlanýda, dep habarlaıdy Almaty-akshamy.kz
Aýla aýmaqtaryn jaıly qala standarttaryna sáıkes retke keltirý qajet. Qazir sáýletshiler men ýrbanıster jumysqa kiristi.
Bul týraly Almaty ákimi Erbolat Dosaev Bostandyq aýdany turǵyndarynyń suraqtaryna jaýap bergen kezde aıtty.
«Biz osy standarttardy ereje retinde bekitkimiz keledi. Qazir zań boıynsha aldyńǵy júrgizilgen jumystarǵa bes jyl tolmaıynsha aýlada tipti kishigirim jumysty da júrgizýge bolmaıdy. Eger bul norma alynyp tastalsa, onda bul ýaqytty joǵaltpaı, aǵymdaǵy jóndeý jumystaryn júrgizýge bolady, ıaǵnı biz únemi jumys isteı alamyz», - dep atap ótti Erbolat Dosaev.
Aýla alańdaryn abattandyrý kezinde halyqtyń múmkindigi shekteýli toptarynyń júrip-turýyna yńǵaıly bolý úshin ınklúzıvti orta qurýǵa erekshe nazar aýdarylady. Bul rette jyldyń kez kelgen ýaqytynda jáne kez kelgen aýa raıy jaǵdaıynda qala turǵyndaryna jaıly bolý úshin barlyq balalar alańdary men vorkaýt-aımaqtarda arnaıy shatyrlardy ornalastyrý qarastyrylady.
Sonymen qatar, jańa standarttarǵa sáıkes aýla aýmaqtaryn mindetti túrde kógaldandyrý jáne t. b. josparlanýda.