Almatyda qala ákiminiń tapsyrmasymen sý basýdy joıý úshin aryq jelileri jańartylyp jatyr, Almaty-akshamy.kz
Bostandyq aýdanynyń turǵynynyń suraǵy:-
-Sátbaev-Masanchı qıylysyn jańbyr kezinde sý basady. Bul máseleni sheshýge kómektesińizshi.
Almaty ákimi Erbolat Dosaevtyń jaýaby:
- Qazir Almatyda qurylys-jóndeý jumystaryn júrgizý kezinde nóser kárizi birge jabdyqtalýǵa tıis. Siz kórsetken qıylysta merdiger jaqyn arada káriz jumystaryn aıaqtaıdy, bul jobada kórsetilgen.
Sý tasqynyn joıý maqsatynda júrgizilip jatqan aryq jelilerin jańǵyrtýǵa sáıkes Almatyda barlyǵy 300 shaqyrymnan astam aryq jelisi aýystyrylyp, salynady. Aldymen biz únemi sý basatyn jerlerge nazar aýdaramyz, bul Túrksib, Jetisý syndy qalanyń tómengi aýdandary. Bitelgen aryqtardy tazalaımyz. Qalada aryq júıeleri eski, kóbinese aǵashtardyń tamyry aryqty biteıdi, únemi qoqys jınalady.
Kelesi jyly aryq júıesin tazartyp turýǵa, kútip ustaýǵa qarajat bólý týraly sheshim qabyldandy. Ortalyqsyzdandyrý aıasynda aýdan ákimi sý tasqynyna baılanysty máselelerdi sheshe alady. Buryn aýdan ákimderi búdjettiń joqtyǵyn aıtatyn, endi olar óz betinshe jumys isteı alady. Aýdan ákimine osy ýchaske boıynsha jumystardyń oryndalý barysyn qadaǵalaýdy tapsyramyn.
Aıta keteıik, zertteý nátıjeleri boıynsha Almaty qalasynyń aýmaǵynda únemi sý basatyn 102 aýmaq anyqtaldy, olardyń 56-sy asa mańyzdy. 2022-2023 jyldary sý tasqynyn jedel joıý maqsatynda qalanyń osy 56 problemaly aýmaǵynda qurylys-montajdaý jumystary aıaqtaldy, onyń aıasynda qoldanystaǵy 13 kolektor men 3 kanal qalpyna keltirildi, qosymsha 6 kolektor men 6 kanal salyndy, sonymen qatar, Oıjaılaý, Boraldaı jáne Qarasý ózenderiniń sol jaǵalaýyn nyǵaıtý boıynsha jumystar júrgizildi. Kolektorlardyń ótkizý qabiletin eki ese arttyrý buryn únemi sý basatyn aýmaqtarda máseleni birjola sheshýge múmkindik berdi.
Sonymen qatar, Almaty ákimdigi 3 negizgi baǵyt (Ortalyq, Shyǵys jáne Batys) boıynsha 276 km qaıta jańartý jáne 100 km jańa aryq jelilerin salý boıynsha aýqymdy jumys júrgizip otyr. Búginde uzyndyǵy 84,8 km bolatyn 164 ýchaskede jumys aıaqtaldy.