Erbolat Dosaev Almatyda aýla aýmaqtaryn abattandyrýǵa qoıylatyn talaptardy qaıta qaraýdy jáne standarttardy ázirleýdi tapsyrdy, dep habarlaıdy almaty-akshamy.kz
Qala nysandaryn aralaý barysynda Almaty ákimi aýla aýmaqtaryn kútip ustaý jáne olarǵa qyzmet kórsetý máselesine beıindi basqarmalardyń nazaryn aýdardy.
Tıisti kútimniń bolmaýyna baılanysty balalar men sport alańdarynyń qyzmet etý merzimi qysqa. Sondaı-aq, Almaty ákimi oıyn aımaqtary jabyndylarynyń sapasyna nazar aýdardy: jaqynda paıdalanýǵa berilgen nysandar (2021 j.) qanaǵattanǵysyz jaǵdaıǵa jetken.
Erbolat Dosaev beıindi basqarmalar men aýdan ákimderine, balalar oıyn jáne sport aımaqtaryn salý kezinde olardyń kóp jyldar boıy paıdalanylýyna nazar aýdarýdy jáne sapa standarttaryn ázirleýdi tapsyrdy. Sonymen qatar, qala basshysy aýdan ákimdikterine aýlalardy ǵana emes, jaqyn mańdaǵy aýmaqtardy merdigerlermen abattandyrý máselesin sheshý úshin qosymsha qarajat bólýdi tapsyratynyn aıtty.
