9-10 maýsym halyqqa qyzmet kórsetý ortalyqtarynda tehnıkalyq jumystarǵa baılanysty keıbir qyzmetter kórsetilmeıdi.
Bul týraly «Azamattarǵa arnalǵan úkimet» korporasıasynyń baspasóz qyzmeti málimdegen, dep habarlaıdy Almaty-akshamy.kz.
«İshki ister mınıstriliginiń aqparattyq-óndiristik ortalyǵy tehnıkalyq jumystar júrgizip jatyr. Osyǵan baılanysty 9 maýsym saǵat 14:00-den 10 maýsym saǵat 18:00-ge deıin elimizdiń búkil halyqqa qyzmet kórsetý ortalyqtarynda keı qyzmetterdi alýǵa ótinim qabyldaý ýaqytsha toqtatylatynyn habarlaımyz», - delingen habarlamada.
Aqparatta aıtylǵandaı, búgin-erteń myna qyzmetter qoljetimsiz bolady:
- Qazaqstan Respýblıkasynda ýaqytsha bolatyn sheteldikter men azamattyǵy joq adamdarǵa jeke sáıkestendirý nómirin qalyptastyrý jáne túzetý;
- Eńbek ımıgranty retinde kóship kelýshige ruqsat berý, merzimdi uzartý jáne keri qaıtaryp alý;
- Qazaqstan Respýblıkasynda ýaqytsha bolatyn sheteldikter men azamattyǵy joq adamdarǵa ýaqytsha turýǵa ruqsat berý;
- Qazaqstan Respýblıkasynan tys jerlerge turýǵa qujat resimdeý.