Qazaqstannyń úzdik tenısshisi WTA Live reıtıńisinde úshinshi orynǵa kóterildi, dep habarlaıdy Almaty-akshamy.kz.
Nú-Iorkta ótip jatqan AQSH ashyq chempıonatynyń tórtinshi aınalymynda álemniń 3-raketkasy, amerıkalyq Djessıka Pegýla dúnıejúzilik reıtıńte 17-orynda turǵan otandasy Medıson Kızdan 1:6, 3:6 esebimen jeńilip qaldy.
Ótken jyly osy «Úlken dýlyǵa» týrnıriniń shırek fınalyna deıin jetken D.Pegýla upaılaryn joǵaltty.
Qazirgi kezde Live reıtıńte 5790 upaımen E.Rybakına úshinshi orynǵa shyqsa, D.Pegýla (5755) tórtinshi satyǵa syrǵydy.
AQSH ashyq chempıonatynyń qorytyndysymen qazirdiń ózinde belorýssıalyq Arına Sobolenko reıtıńte sporttyq jolynda alǵash ret kósh bastaıdy. Óıtkeni ótken jylǵy jeńimpaz, Polsha ókili Iga Shventek tórtinshi aınalymda latvıalyq Elena Ostapenkoǵa jol berdi – 6:3, 3:6, 1:6. Endi I.Shventek ekinshi orynǵa syrǵıdy.
Eger AQSH birinshiliginde taǵy bir amerıkalyq, álemniń 6-raketkasy Koko Gaýff chempıon atanatyn bolsa, onda ol E.Rybakınany yǵystyryp, úzdik úshtikke enedi. Sondyqtan osy týrnır qorytyndysyn kútýge týra keledi.