Almatyda 17 qarasha Halyqaralyq stýdentter kúnine arnalǵan aýqymdy "Almaty Student's Week" festıvali bastaý aldy, dep habarlaıdy aqshamnews.kz
İs-shara Almaty qalasy Jastar saıasaty basqarmasynyń qoldaýymen ótýde, onyń basty maqsaty – stýdentterdiń qala ómirine belsendi qatysýyn qamtamasyz etip, jas kóshbasshylardy anyqtaý.
11-17 qarasha aralyǵynda festıval aıasynda stýdentterge arnalǵan 30-ǵa jýyq ártúrli is-sharalar ótedi. "Almaty Student's Week" festıvaline qatysatyn árbir stýdent óz talanty men kóshbasshylyq qasıetterin kórsete alady. Sondaı-aq, jastarǵa basqa oqý oryndarynyń stýdentterimen baılanys ornatýǵa múmkindik berip, joǵary oqý oryndary arasyndaǵy ózara yntymaqtastyqty damytýǵa septigin tıgizedi.
Festıvál is-sharalary stýdentterge tájirıbe, ıdeıalar jáne bilim almasýǵa arnalǵan alańdar ashyp, bolashaq birlesken jobalar men bastamalardyń negizin qalaıdy. Bul – stýdentterdiń zıatkerlik, sporttyq, mádenı jáne qoǵamdyq salalarda ózin kórsetip, óz daǵdylaryn nyǵaıtyp, ózin damytýǵa biregeı múmkindik.
"Almaty Student's Week" festıvaliniń mańyzdy bóligi – jastardyń patrıottyq rýhyn kóterý, birligin nyǵaıtý jáne qazirgi zamanǵy syn-qaterlerge daıyn áleýmettik belsendi jáne birtutas stýdenttik qaýymdastyq qurý.
Aıta keteıik, Almatyda 35 joǵary oqý ornynda 199 myńnan astam stýdent bilim alady, olardyń 124 myńnan astamy basqa óńirlerden kelgen.
İs-sharalar týraly aqparatty tómendegi silteme arqyly kóre alasyzdar.