Almaty polısıasy aǵashtardy qatigezdikpen syndyrǵan er adamdy qolǵa túsirdi, – dep habarlaıdy aqshamnews.kz Polisia.kz-ke silteme dep.
Bul derek úlken Almaty ózeniniń boıynda, Tóle bı men Raıymbek dańǵyldarynyń arasynda boldy. Orman qoryna kiretin jáne kesýge tyıym salynǵan kóshetterdiń zaqymdalýyna qatysty qyzmet kórsetýshi kompanıanyń ókili aryz berdi.
Qatigezdik áreketke narazy bolǵan jergilikti turǵyndar áleýmettik jelide dabyl qaqqan.
– Qazirgi tańda aǵashtardyń zaqymdalýyna qatysty qylmystyq is tergelýde. Aryzdanýshynyń aıtýynsha, tekserý kezinde 36 dana kóshetterdiń zaqymdanýy jáne ólýi anyqtaldy, atap aıtqanda: katalpa – 15 dana, akasıa – 7 dana, qaraǵash – 14 dana. Osy qylmysty jasady degen kúdikpen 27 jastaǵy jigit ustaldy, ol buzaqylyq maqsatynda aǵashtardy syndyrǵanyn aıtty.
Kúdikti ýaqytsha ustaý ızolátoryna ornalastyryldy. İs sotqa jiberiletin bolady, – dedi Áýezov aýdandyq polısıa basqarmasynyń bastyǵy Ulan Ábilqaıyr.
Esterińizge sala keteıik, buǵan deıin Almatyda belgisiz adamdar 30-dan astam jas aǵashty syndyryp ketkeni týraly jazǵan edik.