Memleket basshysynyń Almaty óńirinde jáne Shýche-Býrabaı kýrorttyq aımaǵynda týrısik nysandardy damytý týraly tapsyrmasyn iske asyrý úshin Almatyda týrızm salasyndaǵy óńiraralyq yntymaqtastyq máselesi boıynsha keńes ótti. İs-sharaǵa Almaty qalasynyń ákimi Erbolat Dosaev, Aqmola oblysynyń ákimi Marat Ahmetjanov, Almaty oblysy ákiminiń orynbasary Rýstam Isataev, sondaı-aq týrızm basqarmalarynyń basshylary qatysty, dep habarlaıdy aqshamnews.kz
Almaty ákimi Erbolat Dosaev atap ótkendeı, shahardyń ekonomıkalyq damýy onyń týrısik tartymdylyǵynyń ósýimen tyǵyz baılanysty. 2023 jyly Almaty SHYU-nyń mádenı jáne týrısik astanasy bolyp tanyldy, bul týrıser sanynyń 2022 jylmen salystyrǵanda 12,6% kóbeıýine áser etti.
Ótken jyldyń qorytyndysy boıynsha Almatyǵa 2 mln. astam adam keldi, sheteldik týrıser sany 29,5% ósti, bul qalanyń týrısik baǵyt retindegi jahandyq tartymdylyǵyn rastaıdy. Týrızmdi damytý ınfraqurylymǵa salynǵan ınvestısıa arqyly júzege asady (bıylǵy 7 aıda 54,6 mlrd.teńge). Týrızm salasynan túsetin salyq túsimderi 32,4% ósip, jarty jylda 40,6 mlrd. teńgege jetti.
Almatyda jyl saıyn áleýmettik-demografıalyq sıpattamalardy, kelý maqsaty men qalada bolý uzaqtyǵyn qosqanda, maqsatty aýdıtorıany jaqsy túsinýge kómektesetin «Týrıstiń portreti» zertteýi júrgiziledi. Sheteldik týrıs - kóbinese jalǵyz saıahattaıtyn 26-35 jastaǵy er adam (40%). Kelýdegi negizgi maqsaty – mádenı is-sharalarǵa (48%) jáne ekotýrızmge (44%) ýaqyt ótkizý (68%). Turýdyń ortasha uzaqtyǵy 5 kún, ortasha chek táýligine 334 dollar (160 320 teńge), bul ishki týrısiń ortasha cheginen 8,7 esege kóp.
MasterCard-pen seriktestik negizgi úrdisterdi baqylaýǵa jáne týrısik áleýetti damytýǵa múmkindik beredi. Platformanyń málimetinshe, Almatyda birqatar kórsetkish jaqsarǵan. Týrıserdiń qanaǵattaný ındeksi (GTPI) 2024 jyldyń qańtarynan shildesine deıin 6% ósip, 71% boldy. Sheteldik týrıser klımat (89%), týrısik ónimder (79%) jáne qonaq úıler (52%) týraly jaǵymdy pikir aıtady. Týrısiń jeke saparlaryna ortasha shyǵystary táýligine 165,4 dollar (79,4 myń teńge), bıznes-týrıst 425 dollar (204 myń teńge) jumsaıdy, bul Almatyda MICE-týrızmdi damytýdyń mańyzdylyǵyn kórsetedi.
Shýche-Býrabaı kýrorttyq aımaǵy, Zerendi kýrorttyq aımaǵy, «Býrabaı», «Kókshetaý», «Buırataý» memlekettik ulttyq saıabaqtary jáne Qorǵaljyn qoryǵy sıaqty biregeı tabıǵı nysandar ornalasqan Aqmola oblysy da týrızmdi damytýǵa kirisken.
Aqmola oblysynyń ákimi Marat Ahmetjanovtyń aıtýynsha, óńirde emdeý-saýyqtyrý, rekreasıalyq, ekologıalyq jáne agrarlyq týrızm ortalyqtary belsendi damyp keledi. 2023 jyldyń jáne osy jyldyń birinshi jartyjyldyǵynyń nátıjesi oń sıpatqa ıe: óńirge jalpy týrısik aǵyn 6% ósip, 1,3 mln.kelýshige, onyń ishinde 18,2 myń sheteldik týrıske jetti, bul ótken jylmen salystyrǵanda 114% kóp. Kórsetilgen týrısik qyzmet kólemi 23% ósti, al sońǵy úsh jylda týrızm salasyna salynǵan ınvestısıa eki esege artyp, 2023 jyly 27,8 mlrd.teńgege jetti. Óńirde ınvestısıa tartý jáne qolaıly ınvestısıalyq ahýal jasaý boıynsha belsendi jumys júrgizilip keledi, bul Aqmola oblysynyń týrısik áleýetiniń turaqty ósýi men damýyn qamtamasyz etedi.
Almaty oblysy ákiminiń orynbasary Rýstam Isataev óńirde Qazaqstannyń týrısik kartasyna engizilgen 33 aýmaqtyń 9-y shoǵyrlanǵanyn atap ótti. «Bizde «Kólsaı kólderi», «Sharyn» jáne «İle-Alataý» memlekettik ulttyq tabıǵı saıabaqtary sıaqty biregeı tabıǵı nysandar bar. Týrıster úshin ınfraqurylymdy damytý boıynsha belsendi jumys istep jatyrmyz. Jańa ornalastyrý nysandaryn quryp jatyrmyz. Bıyl alǵashqy 6 aıda Almaty oblysynda sheteldik qonaqtar sany 73 myńnan asty - bul ótken jylmen salystyrǵanda eki esege kóp», - dedi Rýstam Isataev.
Ótkizilgen marketıńtik zertteýlerdi eskere otyryp, Almaty ákimi Erbolat Dosaev keńeske qatysýshylarǵa shetelderdiń tájirıbesin paıdalana otyryp, otbasylyq jáne balalar paketi bar biregeı týrısik ónimderdi damytýdy usyndy. Áýe kompanıalarmen, qonaq úı jelisimen jáne jeńildetilgen qarjylandyrýmen birlesken jobalar boıynsha bastamalar da qoldaý tapty. Keńes qorytyndysy boıynsha taraptar biryńǵaı týrısik ónimder qurýdy, halyqaralyq naryqtaǵy ornyn nyǵaıtýdy, semınar ótkizýdi jáne óńirlerdi damytý úshin halyqaralyq kórmelerge qatysýdy kózdeıtin seriktestik týraly memorandýmǵa qol qoıdy.