Bul jumystarǵa 467 arnaıy tehnıka men 1094 jumysshy jumyldyryldy.
9 jeltoqsan kúni tańerteńnen bastap qalada qar jaýa bastady. Sınoptıkterdiń boljamy boıynsha, keshke deıin osyndaı aýa raıy saqtalady. Kóktaıǵaqtyń aldyn alý maqsatynda 134 qumshashqyshtyń kúshimen joldarǵa kóktaıǵaqqa qarsy materıaldar sebilip jatyr. Saǵat 10:00-degi jaǵdaı boıynsha 152 tonna materıal paıdalanyldy, dep habarlaıdy Almaty-akshamy.kz.
«Trotýarlardy, qoǵamdyq kólik aıaldamalaryn, jer ústi jáne jerasty ótkelderin tazalaý jumystary júrgizilýde. Atalǵan jumystarǵa 467 arnaıy tehnıka men 1094 jumysshy jumyldyryldy», - delingen Komýnaldyq ınfraqurylymdy damytý basqarmasynyń habarlamasynda.
Aýdandyq ákimdikter men merdiger uıymdarda jumystardy júrgizý boıynsha táýlik boıy kezekshilik uıymdastyryldy.
«Qazgıdromet» RMK boljamyna sáıkes, 9 jeltoqsan keshke deıin qar jaýyp, aýa temperatýrasy kúndiz mınýs 6, túnde mınýs 8-10 gradýsqa deıin tómendeıdi. 10-12 jeltoqsan aralyǵynda kún ashyq bolady.
