Máslıhat sesıasynda Erbolat Dosaevtyń qatysýmen Almatynyń qalasynyń 2023-2025 jyldarǵa arnalǵan búdjet jobasyn qaraldy, dep habarlaıdy Almaty-akshamy.kz.
Almaty Qazaqstan ekonomıkasynyń besten bir bóligin qalyptastyra otyryp, elimizdiń áleýmettik-ekonomıkalyq jáne saıası ómirinde erekshe oryn alady. 10 aıdyń qorytyndysy boıynsha qysqa merzimdi ekonomıkalyq ındıkator 105,6%-ke deıin ósti. Naqty sektordyń barlyq salalary turaqty ósý traektorıasyna shyqty.
Ósý qarqyny Qazaqstanda 1-shi oryndy ıelenetin óńdeýshi ónerkásip, sondaı-aq joǵary ınvestısıalyq belsendilik Almaty ekonomıkasynyń damý draıverine aınaldy. Aǵymdaǵy jyldyń 10 aıynda negizgi kapıtalǵa salynatyn ınvestısıalar 928,7 mlrd. jaqyn teńge jeke ınvestısıalardy tartý esebinen 19,6%-ke ósti.
Osy jyldyń basynan bastap jumys isteıtin shaǵyn jáne orta bıznes sýbektileriniń sany 34,7%-ke (277 myń birlikke deıin) kóbeıdi. Qalada 55,8 myń jumys orny, onyń ishinde 39,2 myń turaqty jumys orny (70,3%) quryldy. Bul jumyssyzdyq deńgeıin 5% deıin tómendetýge múmkindik berdi.
Qala ekonomıkasynyń joǵary qarqynmen ósýiniń arqasynda Memleket basshysy osy jyldyń 16 qarashasynda alǵa qoıǵan Almaty qalasyn odan ári damytý jónindegi basym mindetterdi eskeretin aldaǵy úsh jyldyq kezeńge arnalǵan búdjettiń turaqty jáne teńgerimdi jobasy qalyptastyryldy.
2023 jylǵa arnalǵan 1 trln. 258,2 mlrd. teńge somasyndaǵy qalalyq búdjet jobasy boljamdy menshikti kirister – 1 trln. 138,4 mlrd. teńge jáne respýblıkalyq búdjetten beriletin nysanaly transfertter – 119,8 mlrd. teńge esebinen qalyptastyryldy.
Jergilikti búdjettiń bazasyna qosymsha 160,4 mlrd. teńge shyǵystar berilgenin aıta ketý qajet. Endi bul shyǵystar respýblıkalyq búdjetten qosymsha qarajat bólinbeı jergilikti búdjetten qarjylandyrylatyn bolady. Atalǵan qarajat pedagogterge, dárigerlerge, áleýmettik qyzmetkerlerge jáne t.b. aqy men ústemeaqy tóleýge baǵyttalady.
Usynylǵan 2023-2025 jyldarǵa arnalǵan búdjet jobasy Almaty qalasyn damytýdyń 2025 jylǵa deıingi baǵdarlamasynda jáne 2030 jylǵa deıingi orta merzimdi perspektıvalarda (budan ári – Damý baǵdarlamasy) aıqyndalǵan negizgi basymdyqtardy eskere otyryp qalyptastyryldy, ony biz sizdermen birge bıyl qyrkúıek aıynda bekittik.