Almaty halqy tyǵyz ornalasqan aýdandarynyń birinde jastar esirtki-graffıtıin boıaý naýqanyna qatysty.
Graffıtı-sýretterdi boıaý, sıntetıkalyq esirtkiniń taralýy týraly málimetteri bar jazýlardy anyqtaý jáne joıý naýqany Áýezov aýdany ákimdiginiń jáne “Narkostop” eriktiler lıgasynyń kómegimen ótkizildi, dep habarlaıdy Almaty-akshamy.kz Polisia.kz-ke silteme jasap.
«Eriktiler men kolej stýdentteri turǵyn úılerdiń, garajdardyń, keńse ǵımarattarynyń qabyrǵalarynda esirtkiniń taralýyna yqpal etetin trafaretter men saıttardy jarnamalaıtyn graffıtıdi boıaýǵa qatysty. Búginge deıin Almaty qalasy boıynsha polısıa qyzmetkerleriniń kúshterimen 6 myńnan astam esirtki graffıtıi boıaldy. Esirtkige úgit-nasıhat sýretteriniń 300 myńnan astamyn eriktiler boıady. Jastardy esirtkiniń zıanyn bilip, osy aksıomany qalyń buqaraǵa, óz qatarlastary arasynda jetkizý úshin osyndaı is-sharalardy ótkizýge barynsha tartýymyz beker emes. Jalpy, mundaı is-sharalardy ótkizýde profılaktıkalyq quramnyń mańyzy zor», – dedi Almaty qalalyq PD Esirtki qylmysyna qarsy kúres basqarmasynyń bastyǵy Erlan Álmaǵambetov.