Almatynyń Tehnıkalyq retteý departamenti jarty jyl ishinde sáıkestikti rastaıtyn 258 qujattyń kúshin joıdy
Bul derekterdi Óńirlik komýnıkasıalar qyzmetiniń alańynda QR Saýda jáne ıntegrasıa mınıstrligi Tehnıkalyq retteý jáne metrologıa komıtetiniń Almaty qalasy boıynsha departamentiniń, «QazStandart» respýblıkalyq memlekettik kásipornynyń Almaty qalasy jáne Almaty oblysy boıynsha, sondaı-aq Ulttyq akredıtteý ortalyǵynyń ókilderi aıtty, dep habarlaıdy aqshamnews.kz
Departament 2024 jyldyń birinshi jartyjyldyǵynda 417 tekserý júrgizdi, onyń 96% - y tehnıkalyq retteý jáne akredıtteý salasyndaǵy zańnamanyń buzylǵanyn anyqtady. Tekserý nátıjesinde qurylys materıaldaryna, elektr jáne ónerkásiptik taýarlarǵa, sondaı-aq kólik quraldaryna qatysty 258 sáıkestikti rastaý qujattary joıyldy. Jumys qorytyndysy boıynsha 27,1 mln teńgeden astam somaǵa ákimshilik aıyppuldar salyndy, segiz sýbektini akredıtteý atestattary toqtatyldy.
«Qazaqstan Respýblıkasynyń Tehnıkalyq retteý jáne sáıkestikti baǵalaý salasyndaǵy zańnamasyn buzǵany úshin 8 akredıtteý sýbektisine akredıtteý atestattaryn alty aı merzimge toqtata turyp, 15 807 298 teńge mólsherinde ákimshilik aıyppul salyndy», - dedi QR Saýda jáne ıntegrasıa mınıstrligi Tehnıkalyq retteý jáne metrologıa komıtetiniń Almaty qalasy boıynsha departamentiniń basshysy Qanat Qabylbekov.
Búgingi tańda Departament sýbektige (obektige) barmaı-aq, 359 profılaktıkalyq baqylaý jáne qadaǵalaý júrgizdi, onyń ishinde barlyq 359 jaǵdaıda zańnamany buzý faktileri anyqtaldy.
Memlekettik baqylaý baǵaly metaldar men asyl tastardan jasalǵan zergerlik jáne basqa da buıymdardy ótkizýshilerge, sondaı-aq akredıtteý sýbektilerine, munaı ónimderin, kólik quraldarynyń qosalqy bólshekterin, elektr jáne ónerkásiptik taýarlardy jetkizýshiler men ótkizýshilerge qatysty júrgizildi.
- Budan basqa, Almaty qalasy men qala aýdandarynyń prokýratýrasymen ólshem birligin qamtamasyz etý salasyndaǵy QR zańnamasynyń talaptaryn saqtaý turǵysynan 21 birlesken tekserý júrgizildi.
- Tekserý nátıjesinde 19 jaǵdaıda belgilengen tártippen tekserýden ótpegen ólshem quraldary qoldanylǵany anyqtaldy, bul Qazaqstan Respýblıkasynyń «Ólshem birligin qamtamasyz etý týraly» Zańynyń 19-babyn buzý bolyp tabylady.
- Barlyǵy – 2500 ólshem quraly tekserildi, onyń ishinde 247 ólshem quraly qoldanýǵa jaramsyz dep tanyldy.
2024 jyly Departament atyna jeke jáne zańdy tulǵalardan ónimniń sáıkestigin rastaýdy, tehnıkalyq retteý jáne ólshem birligin qamtamasyz etý salasyndaǵy zańnamany túsindirý boıynsha 679 ótinish pen hat kelip tústi. Kelip túsken 218 ótinishtiń 56-sy basqa memlekettik organdarǵa jiberilip, 162-sin Departament qarady.
«Jeke jáne zańdy tulǵalardyń barlyq ótinishteri turaqty negizde memlekettik tilde orys tiline aýdarylyp, olardyń shaǵymdaný quqyqtary túsindirilip beriledi. Kelip túsken barlyq ótinishter boıynsha zańnamada belgilengen merzimde jaýaptar berildi», - dep atap ótti Q.Qabylbekov.
Departamentte «senim telefony» jumys isteıdi, ol boıynsha árbir zańdy nemese jeke tulǵa Departament qyzmetkerleri tarapynan quqyqqa qaıshy áreketter týraly habarlaı alady. Onyń nómiri 392-15-03.