Basty mindet – balalardyń, ata-analar men pedagogterge psıhologıalyq jáne ádistemelik kómek kórsetýdi kúsheıtý maqsatynda jergilikti deńgeıde psıhologıalyq qyzmettiń biryńǵaı júıesin qurý.
Balalardyń quqyqtaryn qorǵaý komıtetiniń tóraǵasy atap ótkendeı, buǵan deıin ortalyqtardyń qyzmetin bir júıege keltirý úshin biryńǵaı úlgi boıynsha ádistemelik usynystar ázirlengen bolatyn. Onda tapsyrmalar, jumystyń negizgi baǵyttary, shtattyq keste jáne mamandardyń laýazymdyq nusqaýlyqtary egjeı-tegjeıli kórsetilgen. Ásirese, ortalyqtyń materıaldyq-tehnıkalyq jabdyqtalýyna erekshe nazar aýdarylady, dep habarlaıdy aqshamnews.kz
«Bul ortalyqtar pedagog-psıhologtar úshin qoldaý ǵana emes, sonymen qatar ata-analar men balalar der kezinde jáne bilikti kómek ala alatyn orta. Balalar psıhologıalyq kómekke júginip qana qoımaı, medısınalyq, quqyqtyq jáne áleýmettik kómek ala alady. Bul bizdiń balalarymyzdyń jáne jalpy qoǵamnyń bolashaǵy úshin mańyzdy», - deıdi Nasymjan Ospanova.
Aıta keteıik, ortalyqtardyń ashylýy 2023-2025 jyldarǵa arnalǵan Balalardy zorlyq-zombylyqtan qorǵaý, sýısıdtiń aldyn alý jáne olardyń quqyqtary men salamattylyǵyn qamtamasyz etý jónindegi keshendi josparda qarastyrylǵan.