İs-sharany Astanadaǵy EQYU baǵdarlamalar Keńsesimen, Ortalyq Azıa elderindegi EQYU ortalyqtary men mısıalary jáne Venadaǵy EQYU Hatshylyǵymen seriktestikte Qazaqstan Respýblıkasy Qorǵanys mınıstrliginiń Qarý-jaraqty baqylaý jáne ınspeksıalardy qamtamasyz etý ortalyǵy uıymdastyrdy.
QR Qorǵanys mınıstrliginiń Bitimgerlik operasıalar ortalyǵynda ótken semınarǵa qazaqstandyq áskerı qyzmetshilerden basqa Ázerbaıjan, Germanıa, Danıa, Italıa, Qyrǵyzstan, Mońǵolıa, BENILÚKS elderi, AQSH, Tájikstan, Túrikmenstan jáne Fransıa qarýly kúshteriniń ókilderi qatysty, dep habarlaıdy aqshamnews.kz.
Semınarda 2011 jylǵy Vena qujatynyń negizgi erejeleri, ınspeksıalyq jáne habarlamalyq qyzmet pen olardy praktıkada qoldaný talqylandy.
– Mundaı semınarlardy ótkizý Ortalyq Azıa óńiri elderi arasyndaǵy senim men qaýipsizdik sharalaryn nyǵaıtý qaǵıdattaryn iske asyrý salasyndaǵy yntymaqtastyqtyń negizgi nysandarynyń biri, – dep atap ótti QR Qorǵanys mınıstrligi Qarý-jaraqty baqylaý jáne ınspeksıalardy qamtamasyz etý ortalyǵynyń bastyǵy polkovnık Qanat Áýbákirov.
İs-sharaǵa qatysýshylar EQYU-nyń áskerı-saıası ólshemine, Vena qujatynyń erejelerin oryndaýǵa, jyl saıyn áskerı aqparat almasýǵa, EQYU baılanys jelisine, uıymǵa múshe elderdiń ózara ınspeksıalyq qyzmetin qamtamasyz etýge qatysty negizgi taqyryptarmen tanysty.
Vena qujatynyń erejelerine sáıkes semınardyń praktıkalyq bóliminde Qonaev qalasyndaǵy 35-shi gvardıalyq desanttyq-shabýyldaý brıgadasyn baǵalaý jóninde oqý sapary uıymdastyryldy.
Vena qujaty – EQYU qyzmetiniń ádettegi qarý-jaraq túrlerin baqylaý boıynsha elder arasyndaǵy yntymaqtastyq, aıqyndyq jáne tekserý rejımin saqtaýǵa negizdelgen pármendi quraldarynyń biri.