Qazaqstan men Gonkong kólik yntymaqtastyǵyn nyǵaıtýda: jańa jolaýshylar reısteri men júk tasymaly josparlanýda
Memleket basshysynyń halyqaralyq áýe habtaryn damytý jáne ishki áýejaılar arqyly júk tasymaldaý kólemin ulǵaıtý jónindegi tapsyrmasyn oryndaý aıasynda Qazaqstan Respýblıkasy Kólik vıse-mınıstri Talǵat Lastaev bastaǵan qazaqstandyq delegasıa Gonkong halyqaralyq áýejaıynda jumys saparymen boldy, dep habarlaıdy aqshamnews.kz.
Aıta keteıik, Gonkong halyqaralyq áýejaıy sońǵy 14 jyl boıy júk aınalymy boıynsha álemdegi jetekshi áýejaı sanalyp keledi. 2024 jyly bul kórsetkish 4,9 mln tonnaǵa jetken.
Sapar barysynda qazaqstandyq delegasıa Gonkong kólik-logıstıkalyq búrosy dırektorynyń orynbasary Kelvın Mamenmen, Gonkong áýejaıynyń bas dırektory Vıven Chengpen jáne óńirdiń jetekshi áýe kompanıalary – Hong Kong Airlines, Cathay Pacific jáne Hong Kong Air Cargo basshylarymen kezdesti.
Kelissózder barysynda Gonkong áýe tasymaldaýshylarynyń 5-shi áýe erkindigin paıdalana otyryp, Almaty men Astana qalalaryna jolaýshylar reısterin ashý jáne Qazaqstan men Gonkong arasyndaǵy júk tasymaldaryn arttyrý máseleleri talqylandy. Bul bastamalar eki el arasyndaǵy kólik-logıstıkalyq yntymaqtastyqty odan ári tereńdetýge baǵyttalǵan.