Almaty qalasy boıynsha Memlekettik kirister departamenti tekserý is-sharalary barysynda kontrafaktilik temeki ónimderiniń zańsyz aınalymyn anyqtady.
Kodtary joq jáne anyqtalmaǵan úlgi kodtary bar 18 603 qorap temeki tabyldy. Zańsyz ónimniń jalpy quny shamamen 17 mln. teńge, dep habarlaıdy aqshamnews.kz.
Materıaldar is júrgizý sheshimin qabyldaý úshin Almaty qalasynyń sot organdaryna jiberildi. Bul buzýshylyq úshin ákimshilik jáne qylmystyq jaýapkershilik qarastyrylǵan.
Tárkilengen aksızdeletin ónim azamattardyń ómiri men densaýlyǵyna eleýli qaýip tóndiredi. Departament azamattardy shyǵý tegi kúmándi temeki ónimderin satyp alý kezinde saq bolýǵa shaqyrady.
Temeki ónimderine (sáıkestendirý quraldaryna) salynǵan kodtardyń túpnusqalyǵyn «NAQTY ONIM» mobıldik qosymshasynyń kómegimen tekserýge bolady, aksızdeletin ónimdi zańsyz ótkizýdiń barlyq faktileri boıynsha Almaty turǵyndary Almaty qalasy boıynsha Memlekettik kirister departamentine Bógenbaı batyr kóshesi, 132 mekenjaıy boıynsha nemese 8 708 765 38 22 telefony boıynsha habarlaı alady.