Qarapaıym halyqtyń qaltasyn qaǵyp júrgen bul qubylysqa úkimet nazar aýdara bastady, dep habarlaıdy aqshamnews.kz
Jaqynda úkimet basshysynyń orynbasary Ermek Kósherbaevtyń depýtattarǵa bergen jaýaby jarıalandy. Kósherbaevtiń jaýabyna súıensek, qoǵamdaǵy alańdaýshylyq pen aldanǵan azamattardyń kóbeıýine baılanysty úkimet koýchıń salasyna nazar aýdara bastaǵan. Eńbek jáne halyqty áleýmettik qorǵaý mınıstrligi ulttyq biliktilik júıesi aıasynda "koých" kásibine arnalǵan kásibı standart ázirleýge kirisken. Maqsat – saladaǵy jaýapkershilikti arttyryp, tutynýshynyń quqyǵyn qorǵaý.
Memleket basshysy Qasym-Jomart Toqaev 2025 jylǵy 14 naýryzda ótken Ulttyq quryltaıda ol jalǵan koýchter men psevdopsıhologtar halyqty aldap, zańsyz paıda taýyp jatqanyn aıtyp, jaýapty organdarǵa naqty tapsyrma bergen edi. “Búgin de bul jumys úkimettiń baqylaýynda” deıdi jaýabynda Kósherbaev. Onyń sózinshe, tutynýshylardyń quqyqtaryn qorǵaý jáne koýchıń salasynda qyzmet kórsetetin tulǵalardyń kásibı jaýapkershiligin arttyrý maqsatynda bul baǵytty retteýdiń keshendi tetigi ázirlenedi. Ol koých-trenerlerge qoıylatyn biliktilik talaptaryn birizdendirý arqyly júzege asady.