Qonjyqqa jaqsy esim qoıýǵa tańdaý júrip jatyr
Almaty zoobaǵynda Gımalaı aıýynyń tuńǵysh tóli ómirge keldi, dep habarlaıdy Almaty-akshamy.kz.
Qonjyqtyń Iashın men Ýssýrı esimdi ata-anasy ótken jyldyń mamyr aıynda Reseıden Almaty zoobaǵyna ákelingen.
Zoobaqtyń baspasóz qyzmetiniń habarlaýynsha, bul - aıýlar jubyndaǵy tuńǵysh tól.
«Biz buǵan erekshe qýanyshtymyz. Kishkentaı qonjyq 18 qańtarda týǵan. Bes aıdaı ol anasymen arnaıy bólmede turdy. Osy kezeńde biz anasy men qonjyqty mazalamadyq. Ýssýrı óz qonjyǵyna erekeshe meıirim kórsetip, ósirip keledi. Qonjyq ósip, jetilip, kúsh-qýat jınaǵan soń ǵana olar úlken qorshaýǵa aýystyryldy. Kelýshiler qonjyqty sol jerden kóre alady», - dedi zoobaq qyzmetkerleri.
Zoobaqtyń baspasóz qyzmeti qonjyqqa endi jaqsy esim qoıý úshin áleýmettik jelide oqyrmandardan jaqsy nusqalardy jazyp, usynys-pikirler qaldyrýdy surady.
«Jaqsy qoıylǵan atty jyrtqyshtar bóliminiń aıýlarǵa qaraıtyn mamandary tańdap alady. Nátıjesin birer kúnnen soń storısimizde jarıalaımyz», - dep habarlady zoobaqtyń baspasóz qyzmeti.