Kásiporyndarǵa eń úzdik qoljetimdi tehnologıalardy engizedi.
Qazaqstannyń bas ekolog mamany Maǵzum Myrzaǵalıev memlekettegi las qalalardyń ekologıasyn qalaı jaqsartatynyn aıtty, dep habarlaıdy Almaty-akshamy.kz.
Ekologıalyq monıtorıńtiń nátıjesi boıynsha Temirtaý, Nur-Sultan, Almaty, Aqtóbe, Atyraý, Óskemen, Qaraǵandy, Balqash, Jezqazǵan, Shymkent qalalary atmosferalyq aýanyń joǵary lastanýymen sıpattalyp otyr.
Bul qalalardyń ekologıasyn jaqsatrý úshin, ekologtardyń aıtýynsha, Ekologıalyq kodekske sáıkes, kásiporyndar eń úzdik qoljetimdi tehnologıalardy engizedi.
«Mınıstrlik pen kásiporyndardyń arasynda memorandýmdar men jol kartalaryna qol qoıyldy. Olarǵa sáıkes, kásiporyndar shyǵaryndylardy 20% paıyzdan 30% paıyzǵa deıin qysqartýdy josparlap otyr. 10 qaladaǵy birinshi sanattaǵy kásiporyndar úshin 2025 jylǵa qaraı shyǵaryndylar lımıti 20% paıyzǵa tómendetiletin bolady»,– delingen Ekologıa mınıstrliginiń baspasóz qyzmetiniń habarlamasynda.
Sondaı-aq, Maǵzum Myrzaǵalıev shyǵaryndylardy azaıtý maqsatynda ákimdikter eldi mekender men sharýashylyq sýbektilerin gazdandyrýdy jalǵastyrý qajet ekenin aıtty. Sonymen qatar qoǵamdyq jáne komýnaldyq kólikti gaz jáne elektr kóligine aýystyrý jumystaryn odan ári júzege asyrý kerek.