12 qazan kúni Almaty qalasy ákimdiginiń qoldaýymen Almaty Stýdentter Lıgasynyń jańa maýsymy bastaldy. Lıga úsh sport túrin qamtıdy – fýtbol 11h11, voleıbol jáne basketbol. Jarysqa qaladaǵy 35 joǵary oqý ornynan 108 komanda qatysýda, - dep habarlaıdy Aqshamnews.kz tilshisi.
Fýtbol chempıonaty Qazaqstan Fýtbol Federasıasynyń qoldaýymen ótedi, al lıga jeńimpazdaryna JOO arasyndaǵy respýblıkalyq týrnırge joldama beriledi.
Barlyq sport túrleri boıynsha qatysý tolyǵymen tegin, uıymdastyrýshylyq jarnalar talap etilmeıdi.
2025 jylǵy kóktemgi irikteý lıgasynyń (sáýir–mamyr) qorytyndysy boıynsha komandalar sporttyq daıyndyq deńgeıine qaraı eki dıvızıonǵa bólindi. 2025–2026 maýsymy aınalym júıesimen ótedi – ár komanda óz dıvızıonynda barlyq qarsylastarmen kezdesedi.
Chempıonat eki kezeńge bólingen:
Kúzgi kezeń – 2025 j. qazan–jeltoqsan aılary;
Kóktemgi kezeń – 2026 j. aqpan–mamyr aılary.
Jeńimpazdar men júldegerler eki kezeńniń nátıjesi boıynsha jınaǵan upaı sanyna qaraı anyqtalady.
Jarysty uıymdastyrý jáne úılestirý úshin sandyq platformalar qoldanylady:
asvl.kz — voleıbol
asfl.kz — fýtbol
asbl.kz — basketbol
Bul júıeler komandalarǵa onlaın tirkelýge, jarys kestesin qurýǵa, quramdar men týrnır kestesin baqylaýǵa, sondaı-aq naqty ýaqyt rejıminde statısıkany júrgizýge múmkindik beredi.
Machtardyń ótý barysyn salalyq sport federasıalarynyń tóreshileri qamtamasyz etedi, sondaı-aq erejelerdiń saqtalýyn baqylaıtyn Tártiptik komıtet jumys isteıdi.
Barlyq oıyndar YouTube arnasynda tikeleı efırde kórsetiledi: youtube.com/@asl-2025.
Almaty Stýdentter Lıgasynyń qurylýy – bul jastar arasynda buqaralyq sportty damytýǵa, joǵary oqý oryndary arasyndaǵy birlikti nyǵaıtýǵa jáne salaýatty ómir saltyn nasıhattaýǵa baǵyttalǵan júıeli qadam.