Almaty ákimi Erbolat Dosaevtyń ókimimen Saıran Saıfedenov Almatynyń qalalyq aktıvter basqarmasynyń basshysy laýazymyna taǵaıyndaldy, dep habarlaıdy almaty-akshamy.kz
Saıran Saıfedenov 1974 jyly týǵan. Abaı atyndaǵy Qazaq memlekettik pedagogıkalyq ýnıversıtetin, Almatynyń úzdiksiz bilim berý ýnıversıtetin, Qazaq jol jáne qatynas ýnıversıtetin bitirgen.
Eńbek jolyn 1997 jyly bastaǵan. Almaty qalasy Almaly aýdany ákiminiń apparatynda, sondaı-aq Almaty ákimi apparatynda kadr jumysy máselelerimen aınalysty, Almatynyń Áýezov aýdany ákiminiń orynbasary, Naýryzbaı aýdanynyń ákimi laýazymdarynda boldy.
Ár jyldary Almaty qalasy jumyspen qamtý jáne áleýmettik baǵdarlamalar basqarmasy, áleýmettik ál-aýqat basqarmasy basshysynyń orynbasary bolyp jumys istedi.
2019 jyldan bastap qalalyq aktıvter basqarmasynyń basshysy laýazymyna taǵaıyndalǵanǵa deıin Almaty qalasy Áýezov aýdanynyń ákimi qyzmetin atqardy.