Almaty polısıasy kúsheıtilgen jumys rejımine ótti, – dep habarlaıdy Polisia.kz.
Qazaqstan Respýblıkasynyń Táýelsizdik kúnin merekeleý kezinde qoǵamdyq tártipti qamtamasyz etý, qylmystardyń, sondaı-aq basqa da zańsyz áreketterdiń der kezinde aldyn alý jáne jolyn kesý maqsatynda Almaty polısıasy kúsheıtilgen qyzmet túrine kóshirildi.
Osyǵan oraı, PD-nyń basshysy Arystanǵanı Zapparov Almaty garnızonynyń biryńǵaı saptúzeýin júrgizdi.
– Táýelsizdik kúni – orasan zor kúsh-jigerdiń arqasynda osy máńgilik qundylyqqa qol jetkizgen kóptegen urpaqtarǵa kórsetilgen qurmet. Bizdiń aldymyzda qoǵamdyq tártip pen azamattardyń qaýipsizdigin qamtamasyz etý mańyzdy mindeti tur. Bul bizdiń konstıtýsıalyq jáne kásibı paryzymyz, al ony joǵary uıymdastyrýshylyqpen jáne sapaly deńgeıde oryndaý – departament organdary men bólimsheleriniń barlyq qyzmetkerleriniń abyroıly mindeti. Árbir polısıa qyzmetkeri qylmyspen jáne quqyq buzýshylyqpen kúres zańdylyqty qatań saqtaýǵa negizdelgenin este ustaýy kerek. Memlekettilik bizge bolashaqqa batyldyqpen qaraýǵa, bolashaǵymyzdy aıqyn kórýge múmkindik berdi, – dedi, Almaty qalalyq polısıa departamentiniń bastyǵy Arystanǵanı Zapparov.
Sondaı-aq Almaty polısıasynyń basshysy polısıa jumysynyń sapasyn arttyrýǵa kómektesetin ishki ister mınıstrliginiń qyzmettiń servıstik modeline kóshý jónindegi basym tujyrymdamalarynyń birin júzege asyrýǵa erekshe nazar aýdardy.
– Qaladaǵy tártip pen azamattardyń amandyǵy polısıanyń qalaı jumys isteıtinine baılanysty. Tártip saqshylarynyń qoǵammen tyǵyz baılanysta bolýy óte mańyzdy. Al materıaldyq-tehnıkalyq baza men memlekettik áleýmettik qoldaý olardyń oqıǵalardan qalyspaı, qylmysqa qarsy turýyna múmkindik beredi. Mereke qarsańynda jeke quramǵa zor densaýlyq, baqyt, otbasylyq amandyq jáne zańdylyq pen quqyq tártibin qamtamasyz etý jáne qylmysqa qarsy kúreste sarqylmas kúsh-qýat tileımin, – dedi Arystanǵanı Zapparov.
Saptyq tekserý barysynda aldyńǵy saptaǵy bólimshe qyzmetkerleriniń kıim-keshekteri, kólikterdiń jaǵdaıy, tehnıkalyq jabdyqtary tekserildi.
Sonymen qatar qaladaǵy qoǵamdyq tártipti qorǵaýdy kún saıyn qolǵa alatyn patrúldik polısıa Polkiniń, mamandandyrylǵan batalónnyń jasaqtary, ýchaskelik ınspektorlar, JQAJ qyzmetkerleri, Ulttyq ulan sarbazdary komandırlerdiń baǵyt-baǵdary men nusqaýlaryn tyńdady.
Al, qyzmetinde joǵary kórsetkishterge qol jetkizgen, óz isiniń kásibı mamany dep tanylǵan polısıa qyzmetkerlerin Táýelsizdik kúni merekesine oraı polısıa departamenti basshylyǵy marapattady.