Jýrnalıs Dıas Nuraqyn Facebook-paraqshasynda Shonjyda iri-qara soıǵan azamattardyń qolyna jara shyǵyp, aýrýhanaǵa túskeni týraly málimdegen bolatyn. Ol aýrý oshaǵyn anyqtaý úshin veterınarlar synama alyp, zerthanaǵa joldanǵany týraly jazdy. Almaty oblysy sanıtarlyq-epıdemıologıalyq baqylaý departamenti ókilderi bul jaǵdaıǵa qatysty pikir bildirdi, dep habarlaıdy aqshamnews.kz.
Almaty oblysy sanıtarlyq-epıdemıologıalyq baqylaý departamenti ókilderi bul jaǵdaıdy rastap, 4 adam Sibir jarasyn juqtyrýy múmkin ekenin aıtty.
Qazaqstan Respýblıkasy Aýyl sharýashylyǵy mınıstrligi Veterınarlyq baqylaý jáne qadaǵalaý komıtetiniń Almaty oblysy boıynsha aýmaqtyq ınspeksıasynyń málimetinshe, mal veterınarlyq qyzmetke habarlamastan soıylǵan.
"Aýrýdyń paıda bolý sebepterin anyqtaý úshin veterınarlyq ınspeksıa SEBD, PD jáne oblys ákimdigimen birlesip naýqastardyń úıindegi shıkizat pen soıý ónimderinen, sondaı-aq mal soıý ornynan topyraq synamalary alyndy", - delingen habarlamada.
Respýblıkalyq veterınarlyq zerthana bıologıalyq taldaý mıkroskopıasy men PTR kómegimen jınalǵan materıaldarǵa zertteýler júrgizdi. Bakterıologıalyq zertteýlerdiń nátıjesi áli daıyn bolǵan joq.
"Bıyl 12 tamyzda bul eldi mekendegi mal Sibir jarasyna qarsy ekpe alǵan. Qazir eldi mekende jeke sharýashylyqtardaǵy iri-qara maldy oqshaýlaý jáne karantınge jabý jumystary júrgizildi. Mamandar maldy kúndelikti tekserýden ótkizedi, aýrýdyń klınıkalyq belgileri anyqtalmaǵan. Barlyq qajet veterınarlyq-sanıtarlyq shara qazirgi algorıtmge sáıkes júrgizilip jatyr", - dep jazylǵan habarlamada.