Olar Almaty qalasynyń Alataý aýdanynda ornalasqan páterin óndiris ornyna aınaldyrǵan, dep habarlaıdy aqshamnews.kz.
Munda erli-zaıyptylardyń sıntetıkalyq esirtki zatyn óndirip, bólshek saýda úshin qaptamaǵa salǵany belgili boldy.
– Esirtki satýshylardy ustaý boıynsha arnaıy is-shara Almaty qalasy boıynsha UQKD qyzmetkerleriniń kómegimen “Qarasora” is-sharasy aıasynda júrgizildi. Kúdiktiler úıdiń janynda ustaldy. Olar krıstaldanǵan zatty, aq tústi shógindileri bar shyny ydysty jáne aqshany tapqan. Al ustalǵandardyń úıin tintý kezinde zerthanalyq jabdyqtar, prekýrsorlardy saqtaýǵa arnalǵan shyny ydystar, magnıttik aralastyrǵysh, elektr sorǵylar, shyny kolbalar, noýtbýkter, 265 myń teńge kólemindegi qolma-qol aqsha, erekshe ıisi bar ósimdik tektes jasyl zat jáne basqa da quraldar tabyldy jáne tárkilendi, – dep málimet berdi Almaty qalalyq PD esirtki qylmysyna qarsy kúres basqarmasynyń bastyǵy Murat Jumabaev.
Sot-hımıalyq saraptamasynyń qorytyndysyna sáıkes, tárkilengen zat mefedron esirtki zaty bolyp shyqty. Eki kúdikti de Almaty qalalyq PD-nyń ýaqytsha ustaý ızolátoryna qamaldy.